ازيا پارا ويىندارى: قازاقستان قورجىنىنا تاعى ەكى مەدال ءتۇستى

قىتايدىڭ حاڭجوۋ قالاسىندا ءوتىپ جاتقان ازيا پارا ويىندارىندا قازاقستان قورجىنىنا ەكى مەدال ءتۇستى، دەپ حابارلايدى Kazinform.

شوسسەدەگى ۆەلوجارىستان جەكەلەي سىندا كەنجەعۇل سەيتجان پيلوت انتون لاۆرەنتيەۆپەن بىرگە ۇزدىك ۇشتىككە ىلىكتى.

مۇندا وڭتۇستىك كورەيالىق كيم چجۋن بين جەڭىمپاز اتانسا، يندونەزيالىق نۋرفەندي مارە سىزىعىن ەكىنشى بولىپ قيدى.

بۇل - Ⅷ شاقىرىلىمداعى ءماجىلىس دەپۋتاتى ك. سەيتجاننىڭ وسى ازياداداعى ەكىنشى مەدالى.

ۆولەيبولدان وتىرىپ ويناۋدان قازاقستان ەرلەر قۇراماسى فينالعا دەيىن سۇرىنبەي جەتىپ، سوڭعى باسەكەدە يرانعا (14:25، 16:25، 18:25) 0:3 ەسەبىمەن ەسە جىبەردى. ءسويتىپ، قازاقستاندىق پاراۆولەيبولشىلار كۇمىستى قاناعات تۇتتى.

قازىرگى كەزدە قازاقستان قورجىنىندا 7 التىن، 12 كۇمىس، 21 قولا جۇلدە بار.

ەسكە سالا كەتەيىك، بۇدان بۇرىن قازاقستان پاراسپورتشىلارى تاعى ءۇش مەدال جەڭىپ العانىن جازعان بولاتىنبىز.

سونداي-اق جەتىنشى التىندى دياس كەنجەبەك ەنشىلەدى.