ازەربايجاندا جاردەماقى مەن زەينەتاقى مولشەرى وسەدى
استانا. قازاقپارات - 2025 -جىلدىڭ 1- شىلدەسىنەن باستاپ ازەربايجاندا الەۋمەتتىك قولداۋ كۇشەيتىلەدى، دەپ حابارلايدى ازەرتادج.
پرەزيدەنت يلحام اليەۆ قول قويعان جاڭا جارلىققا سايكەس، 2025 -جىلعى 1- شىلدەدەن باستاپ ازەربايجاندا شەيىت وتباسىلارىنا، مۇگەدەكتىگى بار ادامدارعا، بەس جانە ودان دا كوپ بالاسى بار ايەلدەرگە، از قامتىلعان وتباسىلارعا جانە حالىقتىڭ باسقا دا الەۋمەتتىك وسال توپتارىنا ارنالعان جاردەماقىلار مەن زەينەتاقىلار مولشەرى ۇلعايتىلدى. بۇل - 2018 -جىلدان بەرى جۇزەگە اسىپ جاتقان الەۋمەتتىك رەفورمالاردىڭ بەسىنشى توپتاماسى.
ازەربايجان ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ مالىمەتىنشە، پرەزيدەنتتىڭ اي سايىنعى زەينەتاقىسى:
شەيىتتەر، 20 -قاڭتار وقيعاسى قۇرباندارى جانە اۋعانستاندا قازا تاپقان اسكەري قىزمەتشىلەردىڭ وتباسىلارىنا - 700 مانات (1 مانات-298 تەڭگە).
سوعىسقا، 20 -قاڭتارعا، اسكەري قىزمەتكە نەمەسە چەرنوبىل ا ە س- ىندەگى قىزمەتكە بايلانىستى مۇگەدەكتىگى بار ادامدار ءۇشىن:
1- دارەجەلى (81- 100پايىز) - 600 مانات،
Ⅱ دارەجەلى (61- 80 پايىز) - 500 مانات،
Ⅲ دارەجەلى (31- 60 پايىز) - 400 مانات.
ارنايى تولەمدەر:
«وتان سوعىسىنىڭ قاھارمانى» اتاعىنا يە ازاماتتارعا - 2200 مانات،
«ازەربايجاننىڭ ۇلتتىق قاھارمانى» اتاعىنا يە ازاماتتارعا - 2000 مانات،
جەكە پرەزيدەنتتىك زەينەتاقى - 1700 مانات.
ءبىرجولعى تولەمدەر:
ءسابيدىڭ دۇنيەگە كەلۋىنە بايلانىستى - 600 مانات،
جەرلەۋگە - 600 مانات.
كامەلەتكە تولماعان مۇگەدەك بالانى قامقورلىققا العان وتباسىعا اي سايىنعى جاردەماقى:
0- 6 جاس - 500 مانات،
7- 13 جاس - 600 مانات،
14- 18 جاس - 650 مانات.
مۇگەدەكتىگى بار ادامدارعا اي سايىنعى جاردەماقى:
1- دارەجەلى (81- 100پايىز) - 300 مانات،
Ⅱدارەجەلى (61- 80 پايىز) - 250 مانات،
Ⅲدارەجەلى (31- 60پ ايىز) - 180 مانات.
كورۋ قابىلەتى بويىنشا 1- دارەجەلى مۇگەدەكتىگى بار ادامدار ءۇشىن - 350 مانات،
كورۋ قابىلەتىنە قاتىسى جوق 1- دارەجەلى مۇگەدەكتىگى بار ادامدارعا - 250 مانات.
باسقا دا جاردەماقىلار:
ءاربىر اسىراپ الىنعان بالاعا - 240 مانات،
اسىراۋشىسىنان ايىرىلعاندارعا (ءار وتباسى مۇشەسىنە) - 140 مانات،
ءبىر جاسقا دەيىنگى بالاسى بار از قامتىلعان وتباسىلارعا - 140 مانات،
بەس جانە ودان كوپ بالاسى بار انالارعا (ءار بالاعا) - 140 مانات،
شۇعىل اسكەري قىزمەتتەگى اسكەري قىزمەتشىلەردىڭ بالالارىنا - 140 مانات،
اتا-اناسىز قالعان بالالاردىڭ قامقورشىلارىنا - 140 مانات،
1- دارەجەلى مۇگەدەكتىگى نەمەسە مۇگەدەك بالاسى بارلارعا كۇتىم جاساۋشىلارعا - 120 مانات.
قۇرمەتتى اتاق يەلەرىنىڭ زەينەتاقىسى:
«حالىق ءارتىسى» اتاعى ءۇشىن - 300 مانات،
«ەڭبەگى سىڭگەن» اتاعى ءۇشىن - 200 مانات.
ايتا كەتۋ كەرەك، 2024 -جىلعى 23 -جەلتوقسانداعى پرەزيدەنت جارلىعىنا سايكەس، 2025 -جىلدىڭ باسىنان باستاپ ەلدەگى ەڭ تومەنگى جالاقى مولشەرى - 400 ماناتقا، ال ەڭ تومەنگى زەينەتاقى - 320 ماناتقا دەيىن ارتتى. سونداي-اق، بارلىق زەينەتاقى تۇرلەرى 8,1 پايىز مولشەرىندە يندەكستەلدى.
جالپى العاندا، بۇل الەۋمەتتىك رەفورمالار توپتاماسى 3 ميلليون ادامدى قامتيدى. ولاردىڭ جالاقىسى، زەينەتاقىسى، جاردەماقىلارى مەن ستيپەنديالارىن ارتتىرۋعا جىل سايىن 1,4 ميلليارد مانات بولىنەدى.
