ازەربايجان ناتو-نىڭ وزىق تاجىريبە ورتالىعىنا قوسىلدى

استانا. KAZINFORM - تەحنيكالىق كەلىسىم ەلدىڭ اتالعان ورتالىقتىڭ تەڭىز قاۋىپسىزدىگى سالاسىنداعى قىزمەتىنە (MARSEC COE) قوسىلۋىن قاراستىرادى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

- ازەربايجاننىڭ تەڭىزدەگى قاۋىپسىزدىكتى جەتىلدىرۋ سالاسىنداعى وزىق تاجىريبە ورتالىعىن قۇرۋعا قاتىسۋىن كوزدەيتىن تەحنيكالىق رەگلامەنتكە ناتو- نىڭ وداقتاس ترانسفورماتسيالاۋ قولباسشىلىعى تۇركيا، پورتۋگاليا، رۋمىنيا جانە گرەكيا وكىلدەرىنىڭ قاتىسۋىمەن قول قويدى، - دەلىنگەن تۇركيا قورعانىس مينيسترلىگى تاراتقان مالىمدەمەدە.

ۆەدومستۆودا اتاپ وتكەندەي، كەلىسىمگە سايكەس ازەربايجاندىق قىزمەتكەرلەر MARSEC COE- دە تۇراقتى نەگىزدە جۇمىس ىستەي باستايدى. قاتىسۋشى ەلدەر تۋلارىنىڭ اراسىندا ازەربايجاننىڭ تۋى دا ورتادا كوتەرىلەدى.

ازەربايجاننىڭ ناتو- مەن ىنتىماقتاستىعى 1992 -جىلى ەل سولتۇستىك اتلانتيكالىق ىنتىماقتاستىق كەڭەسىنىڭ كونسۋلتاتيۆتىك فورۋمىنا قوسىلعان كەزدەن باستالدى. قازىرگى ۋاقىتتا اليانسپەن ارىپتەستىك اسكەري ءبىلىم، قورشاعان ورتانى قورعاۋ، عىلىم جانە يننوۆاتسيا سالالارىندا، سونداي-اق «بەيبىتشىلىك ءۇشىن سەرىكتەستىك»، «ناتو- نىڭ وپەراتسيالىق مۇمكىندىكتەرى تۇجىرىمداماسى» جانە ت. ب. ءتۇرلى باعدارلامالار اياسىندا جۇزەگە اسىرىلىپ وتىر.

وتكەن جىلدىڭ قازان ايىندا باكۋدە ەنەرگەتيكالىق قاۋىپسىزدىك پەن كليماتتىڭ وزگەرۋى ماسەلەلەرىن زەرتتەۋگە ارنالعان دوڭگەلەك ۇستەل ءوتتى.

فورۋم ازەربايجاننىڭ ناتو- نىڭ «بەيبىتشىلىك ءۇشىن ارىپتەستىك» قۇرىلىمدىق قۇجاتىنا قوسىلۋىنىڭ 30 جىلدىعى اياسىندا ۇيىمداستىرىلدى. بۇعان دەيىن ناۋرىز ايىندا باكۋگە ساپارى بارىسىندا ناتو باس حاتشىسى ي. ستولتەنبەرگ ارىپتەستىك ودان ءارى نىعايا تۇسەدى دەپ كۇتەتىنىن مالىمدەگەن.

ايتا كەتەيىك، ازەربايجان رەسەي ازاماتتارىنىڭ ەلگە كىرۋ ەرەجەلەرىن قاتاڭداتپاق.

زارينا تۋعانبايەۆا

اۆتور