ازاماتتاردىڭ بانكروتتىعى: قانشا ادامنىڭ قارىزى جابىلدى

استانا. KAZINFORM - ەلىمىزدە 87 ازامات بانكروتتىققا ءوتىنىش بەرگەن. بۇل تۋرالى قارجى ۆيتسە-ءمينيسترى ەرجان ءبىرجانوۆ ايتتى.

«بۇگىنگە دەيىن 87,5 مىڭ ءوتىنىم ءتۇستى. ونىڭ ىشىندە 10 مىڭ ءوتىنىمدى قابىلداپ، وڭدەدىك جانە جەكە تۇلعالاردى بانكروت دەپ تانىدىق. اتالعان ازاماتتاردىڭ ەسەپتەن شىعارىلعان قارىز سوماسى 20 ميلليارد تەڭگە»، - دەدى ەرجان ءبىرجانوۆ ءماجىلىستىڭ جالپى وتىرىسىنان كەيىن ءتىلشى ساۋالىنا وراي.

ونىڭ اتاپ وتۋىنشە، قازىرگى ۋاقىتتا تاپسىرىلۋى ءتيىس قۇجاتتاردىڭ ءتىزىمى قىسقارتىلدى.

«تۇلعالار اياسىن كەڭەيتۋ، قوسىمشا كەدەرگىلەردى جويۋ ءۇشىن «ءبىر تەرەزە» قاعيداتىن قولعا الدىق. ياعني، بۇرىنىراق ولار بانكروتتىققا ءوتىنىم بەرگەن كەزدە بانك الدىنداعى قارىزىن رەتتەۋ تۋرالى قۇجاتتى تىركەيتىن. كەيدە بۇل قۇجاتتار جوعالىپ كەتىپ، كەيدە دۇرىس تولتىرىلماي جاتاتىن. ەندى ءبىز بۇل قۇجاتتى تىركەۋدىڭ قاجەت ەمەستىگىن ايتىپ وتىرمىز. ءوتىنىش بەرسە بولعانى، قالعانىن كرەديتتىك بيۋرو ارقىلى ءوزىمىز رەتتەيمىز»، - دەدى ەرجان ءبىرجانوۆ.

ايتا كەتەيىك، 2023-جىلعى ناۋرىزدان باستاپ بانكتەردىڭ، ميكروقارجى ۇيىمدارىنىڭ جانە باسقا دا كرەديتورلاردىڭ كرەديتتەرى بويىنشا جەكە تۇلعالاردىڭ سوتتان تىس بانكروتتىعىنىڭ زاڭنامالىق ءراسىمى ەنگىزىلدى. بانكروتتىققا ءوتىنىش بەرۋ ءۇشىن قارىز الۋشىدان اعىمداعى بەرەشەگى بويىنشا جانە بارلىق كرەديتور، مەرزىمى وتكەن قارىزدىڭ رەتتەلۋى تۋرالى كوپتەگەن قۇجات پەن مالىمەتتەر بەرۋ تالاپ ەتىلەدى. ءبىر قۇجاتتى قاتە ۇسىنۋدىڭ ءوزى قابىلداۋدان باس تارتۋعا نەگىز سانالادى.