گازاداعى سوعىس تاعى ەكى ايعا سوزىلۋى مۇمكىن - يزرايل قورعانىس ءمينيسترى
يزرايل قورعانىس ءمينيسترى يواۆ گاللانت بريفينگ كەزىندە گازا سەكتورىنداعى سوعىس تاعى ەكى ايعا سوزىلاتىنىن ايتتى. Kazinform بۇل تۋرالى ABC News-كە سىلتەمە جاساپ حابارلايدى.
ونىڭ سوزىنشە، بەلسەندى سوعىس قيمىلدارى اياقتالعاننان كەيىن لاڭكەستىك قارسىلىق تانىتۋ وشاقتارىن «تازالاۋعا» تاعى بىرنەشە اي قاجەت بولۋى مۇمكىن. سونداي- اق يواۆ گاللانت يزرايل پالەستينا حالقىنا قارسى سوعىسىپ جاتپاعانىن اتاپ ءوتتى.
حاماس قوزعالىسى باسقاراتىن گازا دەنساۋلىق ساقتاۋ مينيسترلىگى 17 مىڭ ادام، ونىڭ ىشىندە بالالار دا قازا تاپقانىن ءمالىم ەتتى. گازانىڭ وڭتۇستىگىندەگى، قازىرگى ۋاقىتتا سەكتوردىڭ وسى بولىگىندەگى ءىرى قالا حان-يۋنيستە بولىپ جاتقان يزرايلدىڭ اسكەري وپەراتسياسى ونسىز دا كۇردەلى گۋمانيتارلىق جاعدايدى ۋشىقتىرىپ جىبەردى.
يزرايل ۇكىمەتى گۋمانيتارلىق كوللاپس پەن ەپيدەميا تاراپ كەتۋىن بولدىرماس ءۇشىن گازا سەكتورىنا مينيمال دەڭگەيدە وتىن جەتكىزۋگە رۇقسات بەردى.
