گازادا قازا تاپقان پالەستينالىقتاردىڭ سانى 40 مىڭنان استى

گازا. KAZINFORM - بۇل تۋرالى بەيسەنبى كۇنى گازانىڭ دەنساۋلىق ساقتاۋ مينيسترلىگى حابارلادى، دەپ جازادى شينحۋا اگەنتتىگى.

سوڭعى 24 ساعات ىشىندە يزرايل شابۋىلىنان 40 ادامدى كوز جۇمىپ، تاعى 107 ادامدى جارالاندى.

«2023-جىلدىڭ قازان ايىنىڭ باسىندا پالەستينا-يزرايل قاقتىعىس باستالعاننان بەرى قازا تاپقانداردىڭ جالپى سانى 40005 كە، جارالانعاندار سانى 92401 گە جەتتى»، - دەلىنگەن مالىمدەمەدە.

ۇيىندىلەر استىندا جانە جول شەتتەرىندە جاتقان ءالى دە كوپتەگەن قۇرباندار بار، ولارعا جەدەل جاردەم مەن ازاماتتىق قورعانىس بريگادالارى جەتە الماي وتىر، دەپ قوستى ۆەدومستۆو.

ايتا كەتەيىك، Kazinform ءتىلشىسى 14-تامىزدا تاياۋ شىعىستا ورىن العان وقيعالارعا شولۋ جاساعان بولاتىن.