گازادا قازا تاپقان پالەستينالىقتاردىڭ سانى 30534 كە جەتتى

استانا. KAZINFORM - حاماس باقىلاۋىنداعى دەنساۋلىق ساقتاۋ مينيسترلىگى دۇيسەنبى كۇنگى باسپا ءسوز مالىمدەمەسىندە گازا سەكتورىنداعى پالەستينالىقتاردىڭ ءيزرايلدىڭ جالعاسىپ جاتقان شابۋىلدارىنان قازا تاپقاندار سانى 30534 كە جەتكەنىن حابارلادى. بۇل تۋرالى شينحۋا اگەنتتىگى جازدى.

مالىمدەمەگە قاراعاندا، سوڭعى 24 ساعاتتا 124 پالەستينالىق قازا تاۋىپ، 210 ى جارالانعان.

يزرايل مەن حاماس اراسىنداعى قاقتىعىس باستالعان 2023 -جىلدىڭ 7-قازانىنان بەرى جالپى قازا تاپقاندار سانى 30534 كە، جارالانعاندار سانى 71920 عا جەتتى.

ۆەدومستۆونىڭ اتاپ وتۋىنشە، بومبالاۋدان كەيىن كەيبىر زارداپ شەككەندەر ءۇيىندى استىندا قالعان.