گازا سەكتورىنا كومەك كورسەتۋگە داۋىس بەرۋ ءبىر كۇنگە شەگەرىلدى
ب ۇ ۇ قاۋىپسىزدىك كەڭەسىندە گازا سەكتورىنا جەتكىزىلەتىن كومەك كولەمىن ارتتىرۋ تۋرالى رەزوليۋتسياعا داۋىس بەرۋ تاعى ءبىر كۇنگە شەگەرىلدى.
Kazinform بۇل تۋرالى امەريكا داۋىسى باسىلىمىنا سىلتەمە جاساپ حابارلايدى.
ديپلوماتتار ا ق ش- تىڭ كەزەكتى ۆەتوسىن بولدىرماۋ ءۇشىن كەلىسسوزدى جالعاستىرىپ جاتىر. بۇل - يزرايل مەن حاماس اراسىنداعى ەكى ايلىق سوعىسقا بايلانىستى شەشىم قابىلداۋدا ا ق ش- تىڭ ءۇشىنشى ۆەتوسىن بولدىرماۋ ماقساتىندا جاسالىپ جاتقان امال.
اۋەلدە قاۋىپسىزدىك كەڭەسى بىرىككەن اراب امىرلىكتەرى ۇسىنعان رەزوليۋتسياعا داۋىس بەرەدى دەگەن بولجام بولعان. دەگەنمەن داۋىس بەرۋ بىرنەشە رەت شەگەرىلدى. ديپلوماتتاردىڭ سوزىنشە، ب ا ءا مەن ا ق ش سوعىس قيمىلدارىن توقتاتۋعا جانە بۇۇ اياسىندا باقىلاۋ جۇيەسىن ورناتۋ تۋرالى شەشىم شىعارۋعا تىرىسىپ جاتىر.
رەزوليۋتسيا جوباسى يزرايل مەن حاماستان قۇرلىق، تەڭىز جانە اۋە ارقىلى گازا سەكتورىنا كومەك جەتكىزۋدى جەڭىلدەتۋدى تالاپ ەتىپ، ب ۇ ۇ- دان پالەستينالىق انكلاۆقا جەتكىزىلگەن گۋمانيتارلىق كومەككە مونيتورينگ جاساۋدى سۇرايدى.
