ايزادا قۇرمانوۆا مادەنيەت جانە اقپارات ۆيتسە-ءمينيسترى بولىپ تاعايىندالدى

Айзада Амангелдіқызы Құрманова
فوتو: ۇكىمەت

استانا. KAZINFORM - قازاقستان رەسپۋبليكاسى ۇكىمەتىنىڭ قاۋلىسىمەن ايزادا امانگەلدى قىزى قۇرمانوۆا مادەنيەت جانە اقپارات ۆيتسە-ءمينيسترى قىزمەتىنە تاعايىندالدى. بۇل تۋرالى ۇكىمەتتىڭ باسپا ءسوز قىزمەتى حابارلايدى.

ايزادا قۇرمانوۆا 1970 -جىلى پاۆلودار وبلىسىندا دۇنيەگە كەلگەن. پاۆلودار پەداگوگيكالىق ينستيتۋتىن، يننوۆاتسيالىق ەۋرازيا ۋنيۆەرسيتەتىن بىتىرگەن.

ەڭبەك جولىن 1992 -جىلى پاۆلودار وبلىسى ماي اۋدانى ورتا مەكتەبىندە مۇعالىم بولىپ باستاعان. ءار جىلدارى وقۋ ءبولىمىنىڭ مەڭگەرۋشىسى، و م ديرەكتورى بولىپ جۇمىس ىستەدى.

2002-2007 -جىلدارى - ەكىباستۇز قالاسى اكىمدىگى ىشكى ساياسات ءبولىمىنىڭ باسشىسى.

2007-2009 -جىلدارى - ەكىباستۇز قالاسى اكىمىنىڭ ورىنباسارى.

2009-2011 -جىلدارى - پاۆلودار وبلىسى ىشكى ساياسات باسقارماسىنىڭ باسشىسى.

2011-2014 -جىلدارى - پاۆلودار وبلىسى لەبياجى اۋدانىنىڭ اكىمى.

2014-2016 -جىلدارى - «نۇر وتان» پارتياسى پاۆلودار وبلىستىق فيليالى ءتوراعاسىنىڭ ءبىرىنشى ورىنباسارى.

2016-2020 -جىلدارى VI سايلانعان ق ر پارلامەنتى ءماجىلىسىنىڭ دەپۋتاتى بولدى.

2020 -جىلدان باستاپ قازىرگى ۋاقىتقا دەيىن - پاۆلودار وبلىسى اكىمىنىڭ ورىنباسارى.

اۆتور
اسحات رايقۇل

سوڭعى جاڭالىقتار