ايگىلى بۇركىتشى قىز رەفەرەندۋمدا داۋىس بەردى
وسكەمەن. KAZINFORM - شىعىس قازاقستان وبلىسىندا ايگىلى بۇركىتشى قىز ايشولپان نۇرعايىپ قىزى رەفەرەندۋمدا داۋىس بەردى.
ۇلان اۋدانى بوزانباي اۋىلدىق وكرۋگى بوزانباي اۋىلىندا تۇراتىن الەمگە تانىمال بۇركىتشى قىز ايشولپان نۇرعايىپ قىزى رەفەرەندۋمعا قاتىستى. № 976-سايلاۋ ۋچاسكەسىنە كەلىپ، ءوز تاڭداۋىن جاسادى.
«پرەزيدەنت رەفەرەندۋم وتەتىندىگىن جاريالاعان كەزدە بىردەن ءوز داۋىسىمدى بەرەمىن دەپ شەشتىم. سول ءۇشىن بۇگىن مىنە وسىندا كەلىپ وتىرمىن. جالپى ءبىز ەركىن ويلاي الاتىن، وزىندىك وي-پىكىرى بار حالىقپىز عوي. سوندىقتان ەلىن سۇيگەن، مەملەكەتىنىڭ بولاشاعىن ويلايتىن بارشا ازامات وسىنداي ماڭىزدى سايلاۋدان قالىس قالماۋى كەرەك دەپ ەسەپتەيمىن»، - دەيدى بۇركىتشى قىز.
ايشولپان نۇرعايىپ قىزى التى جاسىنان باستاپ اساۋ ۇيرەتىپ، سەگىز جاسىنان بۇركىت باپتاعان. ءىرى حالىقارالىق جارىستارعا قاتىسىپ، ەڭ جاس بۇركىتشى اتانعان.
قازاق قىزى تۋرالى ونداعان فيلم ءتۇسىرىلىپ، جەر-جاھاننىڭ تۇكپىر-تۇكپىرىندە كورسەتىلدى.
قۇس كوتەرگەن كوپ ۇلدىڭ اراسىنداعى بۇركىتشى قىزعا اتادان قالعان ءداستۇردى جالعاستىرىپ، ۇلتتىق بولمىستى جوعالتپاس ءۇشىن قۇسبەگىلىكپەن اينالىسۋعا اكەسى نۇرعايىپ ىدىرىس ۇلى سەبەپكەر بولعان.
بۇركىتشىلەر وتباسى كوپتەن بەرى تاريحي وتانىنا كوشۋدى ماقسات ەتكەن.
قازىر ش ق و-داعى بوزانباي اۋىلىندا تۇرىپ جاتىر.
اۆتور
تالعاتجان مۇحامەتبەك ۇلى
