ايەلدىڭ دانالىعى - ۇرپاقتىڭ اسقاقتىعى

الماتى. قازاقپارات - ايەلدىڭ پاكتىگى مەن يماندىلىعى ونىڭ اۋلەتىنىڭ قورعانى. تىلسىمعا تولى بۇل قاسيەتتەردىڭ قۇپياسى زور.

نازىك جاندىلاردىڭ پسيحيكالىق قۋاتى ەرلەردىكىنەن بىرنەشە ەسە زور.

ۇندەستىك زاڭدىلىعى بويىنشا: ەر ادامنىڭ كۇشى كوپ بولسا، ايەلدىڭ ەنەرگەتيكاسى مىقتى. ايەلدىڭ ويى، تىلەگى، دۇعاسى قورشاعان ورتاعا قاتتى اسەر ەتەدى. ايەلدىڭ ويى ەرلەردىڭ ىسىنە تەڭەلەدى.

ەرتە زاماندا ايەلى ءوزىنىڭ پاكتىگى مەن ادالدىعىمەن شايقاستاعى ەرىن امان-ساۋ ساقتاي العان. ونىڭ ايەل قۋاتى ەرىنە قۇرساۋ قورعان بولعان. مۇنداي ەركەكتەر كەز كەلگەن ۇرىستان ۇيىنە امان-ەسەن ورالعان. ۇستىنەن ءجۇز جەبە جاۋسا دا، ولار مۇنداي ازاماتتارعا دارىماعان. تۇيسىگىمىزبەن ءبىز مۇنى ءالى دە تۇسىنەمىز. اشىق مايداننان ءتىرى ورالعان ەرلەرى بۇل ءۇشىن كىمگە قارىزدار ەكەنىن بىلەدى.

ەگەر ايەلى تازا ءارى اقىلدى بولسا، ەرىن ادام سەنبەس بيىكتىككە كوتەرە الادى. «ايەل اقىماقتى داناعا، دانانى اقىماققا اينالدىرا الادى».

انا بولعان ساتىنەن باستاپ جەر-انانىڭ كەلەشەگىنە ارالاساتىن قاسيەتتى مۇمكىندىككە يە. جەردەگى ءومىردى وركەندەتەتىن ۇرپاقتى تاربيەلەيدى. ءار انا بالاسىنىڭ بويىنا قانداي ءدان ەكسە، سول ءوسىپ شىعاتىنىن بىلەدى. ايەلدىڭ ومىرلىك ماقساتىنىڭ ءبىرى دۇنيەگە بالا اكەلىپ، ونى تاربيەلەۋ بولعان.

مۇنداي ىسكە ايەل زاتىن بالا كۇنىنەن باۋلىپ، تاربيەلەگەن. جەر بەتىندەگى ءار مادەنيەت قىز بالانى وسىرۋدەگى وزىندىك ءبىلىم مەن قابىلەتتەردى سۇرىپتاعان، مىندەتتەگەن. ولاردىڭ ىشىندە كيىم كيە بىلۋ، ساز اسپاپتارىندا ويناۋ، ءان سالۋ، ءبي بيلەۋ، سۋرەت سالۋ، ەرتەگى ايتۋ، ءتىل ءبىلۋ، ءۇي جيناي ءبىلۋ جانە باسقا دا كۇردەلى دۇنيەلەر پارىز ەتىلگەن.

ءبىر قاراعانعا ۇساق-تۇيەك سياقتى كورىنۋى مۇمكىن. ءبىراق باعامداپ قاراساق، اتى اتالعان بارلىق جۇمىس تەك جانىن سالىپ ىستەيتىن ءىس ەكەن. ءار ايەل زاتى بۇل ىستەرگە وزىندىك قولتاڭباسىن قالدىرىپ، شىعارماشىلىق قيالىن ۇشتاپ، ادام ءومىرىن گۇلدەندىرەتىن، ساندەندىرەتىن، ماعىنا بەرەتىن، قۋانىش سىيلايتىن دۇنيە جاساپ شىعارادى.

بۇل نازىك جاندىلاردىڭ بولمىس-ءبىتىمىن ايقىندايتىن تاربيە. ايەلدىڭ موينىنا جۇكتەلگەن كوپ مىندەتتىڭ ءبىرى ءارى بىرەگەيى ىشكى جانە سىرتقى سۇلۋلىقتى تۋدىرۋ. ايەل بولۋدىڭ عاجاپتىعى وسىندا.

(اۋدارما)
شىنار ابەلدا
blogtime.kz