اۋىلعا بارعىسى كەلەتىن دارىگەرلەرگە 10 ميلليون تەڭگە بەرىلەدى - مينيستر

2024-جىلى اۋىلعا بارىپ، جۇمىس ىستەگىسى كەلەتىن دارىگەرلەرگە ءبىر رەت 10 ميلليون تەڭگە بەرىلەدى. بۇل تۋرالى دەنساۋلىق ساقتاۋ ءمينيسترى اجار عينيات ايتتى.

минздрав
Фото: Фото: МИА "Казинформ"

«قازىرگى تاڭدا ەلدى مەكەندەرگە مىڭنان اسا دارىگەر جەتىسپەيدى. مامانداردى اۋىلدارعا تارتىپ، الەۋمەتتىك قولداۋ كورسەتۋ ءۇشىن ءبىر رەت 10 ميلليون تەڭگە بەرۋ كەرەك دەگەن ۇسىنىستى قولداپ وتىرمىز. بۇل AMANAT پارتياسىنىڭ سايلاۋالدى باعدارلاماسىندا جازىلعان. ەندى وڭىرلەرگە «سىزدەرگە قانشا دارىگەر كەرەك، قانشا قاراجات ءبولۋ قاجەت» دەپ اقىلداسىپ، جۇمىس ىستەپ جاتىرمىز»، - دەدى مينيستر و ك ق- دە وتكەن باسپا ءسوز ءماسليحاتىندا.

اجار عينياتتىڭ پىكىرىنشە، قارجىلاي قولداۋ اۋىلدا جۇمىس ىستەگىسى كەلەتىن بارلىق مامانعا بەرىلۋى كەرەك.

«ءبىز بارلىق مامانعا قارجىلاي قولداۋ كورسەتىلۋى كەرەك دەپ سانايمىز. ءبىراق AMANAT پارتياسىنىڭ سايلاۋالدى باعدارلاماسىندا تەك وقۋىن ەندى بىتىرگەن جاس ماماندارعا قولداۋ كورسەتۋ كەرەك دەپ جازىلعان»، - دەدى ول.

مينيستر كەلەسى جىلى بۇل باستاما ىسكە اسىرىلا باستايتىنىن مالىمدەدى.

«قارجى مينيسترلىگى قولداسا، كەلەسى جىلدان باستاپ بۇل باستاما ىسكە اسادى. بۇگىندە اۋىلعا مىڭنان اسا دارىگەر جەتىسپەيدى دەپ ايتتىم. ەلدى مەكەندەرگە شامامەن 600 دارىگەر (بارۋى مۇمكىن - ەسك.). مۇنداي دەرەكتى بىزگە وبلىستارداعى دەنساۋلىق ساقتاۋ باسقارماسى بەردى»، - دەدى اجار عينيات.

سوڭعى جاڭالىقتار