ايەل ادامنىڭ بىتىمگەرلىك ميسسياعا قوسار ۇلەسى زور - ارداق كۇرتىبايەۆا
الماتى. KAZINFORM - 2002 -جىلى ب ۇ ۇ باس اسسامبلەياسى 29- مامىردى حالىقارالىق بىتىمگەلەر كۇنى ەتىپ بەكىتتى. وسى ۋاقىتقا دەيىن 600 وتانداسىمىز ۇيىم وپەراتسيالارىنا قاتىستى.
ايتا كەتەيىك، ناۋرىز ايىندا 139 قازاقستاندىق اسكەري گولان جوتاسىنا جىبەرىلدى. ولار وندا جاۋلاسقان ەكى تاراپتىڭ اراسىنداعى اۋحۋالدىڭ ۋشىقپاۋىنا اتسالىسىپ جاتىر.
قازاقستان بىتىمگەرشىلىك وپەراتسيالار ورتالىعى باسپا ءسوز قىزمەتىنىن مالىمەتىنشە، بۇل كۇن الەم بويىنشا قىزمەت ەتىپ جۇرگەن بىتىمگەرلەردىڭ جان قيارلىقتارىنا العىس بىلدىرۋگە ۇندەيدى.
«قازاقستان تۇراقتىلىق پەن قاۋىپسىزدىكتى جاقتايتىن ەل. وسى باعىتتا اتقارىلىپ جاتقان ءىستىڭ ءبىرى بىتىمگەرلىك ميسسياسى. سوڭعى 16 جىلدا بىرىككەن ۇلتتار ۇيىمىنىڭ ازيا، تاياۋ شىعىس جانە افريكا ەلدەرىندەگى 7 بىتىمگەرشىلىك ميسسياسىنا 600-دەن استام قازاقستاندىق اسكەري قاتىستى. ولار كەلىسىلگەن مامىلە اياسىندا جاۋاپتى ايماقتاردى كۇزەتەدى، جول توسقاۋىلدارىن ۇيىمداستىرىپ، بەيبىتشىلىك كەلىسىمدەرىنىڭ ساقتالۋىن قامتاماسىز ەتەدى»، - دەپ حابارلادى ۆەدومستۆودان.
قازىر قازاقستاندىق بىتىمگەرلەر روتاسى گولان جوتالارىندا. قارۋلى كۇشتەردىڭ اسكەري جاساعىنىڭ قۇرامىندا 139 اسكەري قىزمەتشى بار. سولاردىڭ ءبىرى دارىگەر ارداق كۇرتىبايەۆا.
«ايەل ادامنىڭ بىتىمگەرلىك ميسسياعا قوسار ۇلەسى زور. جەرگىلىكتى حالىقپەن تەزىرەك ءتىل تابىسۋعا ىقپال ەتە الادى. قازىر گولان جوتاسىندا بىتىمگەرلىك وپەراتسياسىنا قاتىسىپ جاتىرمىن. ميسسيانىڭ پروتسەسى وتە جوعارى دەڭگەيدە ءوتىپ جاتىر. ءار سارباز ءوزىنىڭ مىندەتىنە ءمىنسىز اتقارۋى كەرەك. پسيحولوگيالىق، فيزيكالىق تۇرعىدا دا مىقتى بولعانى ابزال»، - دەيدى ارداق كۇرتىبايەۆا.
ايتا كەتەيىك، قازاقستاندىق بىتىمگەرلەر گولان بيىگىنە ناۋرىز ايىندا اتتانعان بولاتىن.
قازىرگى ۋاقىتتا باتىس ساحارادا 6، ورتالىق افريكا رەسپۋبليكاسىندا 2، كونگو دەموكراتيالىق رەسپۋبليكاسىندا 2، ليۆاندا 9 وفيتسەر ب ۇ ۇ- نىڭ ميسسيالارىندا قىزمەت ەتىپ ءجۇر. گولان بيىكتەرىنە 139 قازاقستاندىق اسكەري قىزمەتشى جىبەرىلدى.
ولار وندا ميسسيا مانداتىنا سايكەس، قاراما-قارسى تاراپتار اراسىندا اتىستى توقتاتۋ رەجيمىن قولداۋ جونىندەگى مىندەتتەردى ورىندايتىن بولادى.
اۆتور
الما مۇقانوۆا
