ايكوركەم باتيحان ءداستۇرلى ساداق اتۋدان تۇركياداعى تۋرنيردە توپ جاردى

استانا. KAZINFORM -ءداستۇرلى ساداق اتۋدان قازاقستان ۇلتتىق قۇراماسىنىڭ سپورتشىسى ايكوركەم باتيحان تۇركيانىڭ ىستانبۇل قالاسىندا وتكەن «Fetih KupasI» («جەڭىس كۋبوگى» ) تۋرنيرىندە جەڭىمپاز اتاندى.

استانا اكىمدىگى سايتىنىڭ حابارلاۋىنشا، ايكوركەم باتيحان بۇل تاريحي جەڭىسكە 50 مەتر قاشىقتىقتا ديامەترى 50 س م بولاتىن پۋتا نىساناسى بويىنشا جارىستا قول جەتكىزگەن. سونداي- اق 12-رەت ءوتىپ وتىرعان «Fetih KupasI» حالىقارالىق تۋرنيرىنە الەمنىڭ 20 ەلىنەن 300 گە جۋىق سپورتشى قاتىسقان.

«Fetih KupasI» حالىقارالىق ءتۋرنيرى - ءداستۇرلى ساداق اتۋ بويىنشا ەڭ ءىرى جارىستاردىڭ ءبىرى. بۇل سايىستا تابىستى ونەر كورسەتۋ جانە جەڭىسكە جەتۋ - قازاقستاندىق بارلىق ساداقشىنىڭ ارمانى. بۇل جارىس تۇركيادا 12 جىل بويى ءداستۇرلى تۇردە ۇيىمداستىرىلىپ كەلە جاتىر. قازاقستاندىق سپورتشىلار وعان 2017 -جىلدان بەرى قاتىسىپ كەلەدى، ءبىراق بۇعان دەيىن جەڭىسكە جەتپەگەن ەدىك. بيىل ءبىزدىڭ سپورتشىلار فينالعا شىقتى: 4 قىز جانە 4 ەر ادام جولداما الدى. فينالدا ايكوركەم باتيحان تۇركيانىڭ ەڭ مىقتى ساداقشىسىمەن كەزدەسىپ، ونى 5:4 ەسەبىمەن جەڭدى. ايكوركەمنىڭ جەڭىسى - بۇكىل كوماندامىز ءۇشىن ۇلكەن جەتىستىك» - دەدى ءداستۇرلى ساداق اتۋدان قازاقستان ۇلتتىق قۇراماسىنىڭ باس باپكەرى دياس احمەتوۆ.

19 جاستاعى ايكوركەم باتيحان - استانالىق سپورتشى. ونىڭ ءداستۇرلى ساداق اتۋمەن اينالىسىپ جۇرگەنىنە 1,5 جىل بولعان.