ايفوننىڭ ءداۋىرى اياقتالادى
Apple كورپوراتسياسى ءوزىنىڭ ەڭ تابىستى ءونىمى iPhone-نىڭ بولاشاعىنا كۇمانمەن قاراي باستادى. قازىرگى ۋاقىتتا كومپانيا تابىسىنىڭ جارتىسىن ءالى دە iPhone ساتىلىمى قۇراسا دا، ىشكى ساراپشىلار قۇرىلعىنىڭ الداعى ون جىلدا ومىرشەڭ بولارىنا سەنبەيدى.
Apple-دىڭ اعا ۆيتسە-پرەزيدەنتى ەددي كيۋ: «ون جىلدان كەيىن سىزگە iPhone مۇلدە قاجەت بولماي قالۋى مۇمكىن»، - دەپ مالىمدەدى.
بۇل تەحنولوگيالارمەن ءوزارا ارەكەتتەسۋ تاسىلدەرىنىڭ وزگەرۋى مەن جاساندى ينتەللەكتتىڭ جەدەل دامۋىنا بايلانىستى.
كومپانيا باس ديرەكتورى تيم كۋك AR كوزىلدىرىگى يدەياسىمەن بۇرىننان بەرى اۋەستەنىپ ءجۇر دەلىنەدى. الايدا، قازىرگى ۋاقىتتا Apple ۇسىنعان جالعىز ءونىم - بۇل سىممەن جالعاناتىن اۋىر جانە قىمبات Vision Pro گارنيتۋراسى.
ساراپشىلاردىڭ پىكىرىنشە، Apple وسىلايشا ءوزىنىڭ باستى ونىمىنە بالتا شاۋىپ وتىر. سمارتفوندى بولاشاقتا Apple كوزىلدىرىگى نەمەسە OpenAI مەن بۇرىنعى باس ديزاينەر دجوني ايۆ بىرلەسىپ ازىرلەپ جاتقان جاڭا AI- گادجەت الماستىرۋى مۇمكىن.
