پايدالى قازبالاردى وندىرۋشىلەردەن 160 ميلليارد تەڭگە سالىق ءتۇستى - كىرىستەر كوميتەتى
استانا. KAZINFORM - بىلتىر پايدالى قازبالاردى وندىرۋگە سالىق ستاۆكالارى كوتەرىلدى. جىلدىڭ ناتيجەسىندە بيۋجەتكە 160 ميلليارد تەڭگە سالىق ءوندىرىلدى.
بۇل تۋرالى قارجى مينيسترلىگى مەملەكەتتىك كىرىستەر كوميتەتى مامانداندىرىلعان دەپارتامەنتىنىڭ ديرەكتورى الىبەك يبرايىم ءمالىم ەتتى.
«ءبىزدىڭ كوميتەت تاراپىنان جەر قويناۋىن پايدالانۋشىلارعا ەرەكشە نازار اۋدارىلۋدا. قازىرگى تاڭدا 5 مىڭ استام جەر قويناۋىن پايدالانۋشىلار كوميتەتتىڭ قاداعالاۋىندا. ولاردىڭ ىشىندە مۇناي-گاز سەكتورى – 205، تاۋ-كەن سەكتورى – 1309، كەڭ تارالعان پايدالى قازبالار – 1277، جەر استى سۋلارى - 2392. بىلتىر 1- قاڭتاردان پايدالى قازبالاردى وندىرۋگە سالىق ستاۆكالارى كوتەرىلدى. سول ارقىلى بيۋجەتكە 160 ميلليارد تەڭگە ءوندىرىلدى»، - دەدى الىبەك يبرايىم كوميتەتتە وتكەن باسپا ءسوز ءماسليحاتىندا.
ودان بولەك، سپيكەردىڭ قوسىمشا سالىقتىق اكىمشىلەندىرۋ اياسىندا بيۋدجەتكە 560 ميلليارد تەڭگە ءتۇستى.
«بيىل جەر قويناۋىن پايدالانۋشىلارعا ترانسفەرتتىك باعا اياسىندا زاڭعا ءتيىستى وزگەرىستەر مەن تولىقتىرۋلار ەنگىزىلىپ جاتىر. ول وزگەرىستەر 2019-جىلدان بەرى ازىرلەنىپ كەلە جاتىر. قازىر زاڭناما پارلامەنتتىڭ قاراۋىندا»، - دەيدى ول.
