ايدا بالايەۆا: رەفەرەندۋم -مەملەكەت باسشىسىنىڭ رەفورمالارىمەن تىكەلەي بايلانىستى وزگەرىستەردىڭ دالەلى
استانا. KAZINFORM - مادەنيەت جانە اقپارات ءمينيسترى ايدا بالايەۆا ا ە س قۇرىلىسى بويىنشا رەفەرەندۋم وتكىزۋگە بايلانىستى اقپاراتتىق ناۋقانعا باعا بەرىپ، ونىڭ بەلسەندى جۇرگىزىلگەنىن ايتتى.
«مەن اقپاراتتىق ناۋقاندى وتە بەلسەندى ءوتتى دەپ سيپاتتايمىن، ويتكەنى اتوم ەلەكتر ستانتسياسىنىڭ جاقتاۋشىلارى دا، قارسىلاستارى دا بۇل ماسەلەگە قىزىعۋشىلىق تانىتىپ، ءوز ۇستانىمدارىن ءتۇسىندىرىپ، دالەلدەدى. ءبارى اشىق تۇردە ءجۇرىپ جاتىر. قازاقستاندا اشىق قوعام قۇرىلعانىن كورىپ وتىرمىز، وندا اركىم پىكىرى مەن كوزقاراسىن بىلدىرە الادى»، - دەدى ايدا بالايەۆا ب ا ق وكىلدەرىنىڭ ساۋالىنا جاۋاپ بەرە تۇرىپ.
سونداي-اق، ۆەدومستۆو باسشىسى رەفەرەندۋم پرەزيدەنت باستاماشىلىق ەتكەن رەفورمالاردىڭ ارقاسىندا بولىپ جاتقان ەلدەگى ۇلكەن وزگەرىستەردىڭ جارقىن ايعاعى ەكەنىن اتاپ ءوتتى.
«بۇگىنگى رەفەرەندۋم - بۇل ءبىزدىڭ ەلىمىزدەگى مەملەكەت باسشىسىنىڭ رەفورمالارىمەن تىكەلەي بايلانىستى ۇلكەن ءارى تۇبەگەيلى وزگەرىستەردىڭ دالەلى»، - دەپ تولىقتىردى ول.
بۇعان دەيىن ايدا بالايەۆا رەفەرەندۋمدا حالىق داۋسىنىڭ ماڭىزىنا توقتالعان ەدى.
ايتا كەتسەك، مادەنيەت جانە اقپارات ءمينيسترى استانادا ۇلتتىق اكادەميالىق كىتاپحانادا ورنالاسقان 164-داۋىس بەرۋ ۋچاسكەسىندە ءوز تاڭداۋىن جاسادى.
