22:10, 31 - ناۋرىز 2026 | GMT +5
ايبەك ورالباي تاريحي رەكورد جاڭارتپاق
استانا. KAZINFORM - بوكستان قازاقستان قۇراماسىنىڭ كاپيتانى ايبەك ورالباي موڭعوليانىڭ ۇلان-باتىر قالاسىندا ءوتىپ جاتقان ازيا چەمپيوناتىنا قاتىستى جوسپارىن ايتتى، - دەپ حابارلايدى Vesti.kz.
ايبەك ورالبايدىڭ سوزىنشە، ءۇش دۇركىن ازيا چەمپيونى ۆاسيلي لەۆيتتىڭ رەكوردىن جاڭارتۋدى ماقسات ەتىپ وتىر.
«مەن ءۇشىن بۇل - ءۇشىنشى ازيا چەمپيوناتى. بۇيىرسا، بار كۇشىمىزدى سالىپ، كوماندالىق ەسەپتە ءبىرىنشى ورىن الۋعا جانە جانكۇيەرلەردى قۋانتۋعا تىرىسامىز... ازيا چەمپيونى اتانسام، قازاقستان تاريحىندا بۇل تۋرنيردى ءۇش رەت جەڭگەن ەكىنشى بوكسشى بولامىن. ءبىرىنشىسى - ۆاسيلي لەۆيت. بۇيىرسا، وسى رەكوردتى جاڭارتۋ كەرەك»، - دەدى بوكسشى.
ايتا كەتەيىك، ازيا چەمپيوناتى 10-ساۋىرگە دەيىن جالعاسادى. ايبەك ورالباي تۋرنيردەگى العاشقى جەكپە-جەگىن 4-ساۋىردە باستايدى.
