Axios: يزرايل ا ق ش- تى يرانمەن سوعىسۋعا شاقىرادى
استانا. KAZINFORM - يزرايل كەيىنگى 48 ساعات بويى ا ق ش پرەزيدەنتى دونالد ترامپ اكىمشىلىگىن يرانعا قارسى اسكەري قيمىلدارعا قوسىلۋعا شاقىردى، دەپ حابارلايدى Kazinform Axios باسىلىمىنا سىلتەمە جاساپ.
اتالعان اقپارات كوزىنىڭ حابارلاۋىنشا، «يراننىڭ يادرولىق باعدارلاماسىن جويۋ ءۇشىن» قاجەت.
باسىلىم ەكى جوعارى لاۋازىمدى يزرايلدىك دەرەككوزگە سىلتەمە جاساي وتىرىپ، يزرايلدە يراننىڭ فوردوۋداعى جەراستى ۋران بايىتۋ زاۋىتىن جويۋعا قاجەتتى بۋنكەرلەر مەن ءىرى بومبالاۋشى ۇشاقتار جوق، ال ا ق ش- تا بار دەپ حابارلايدى.
ەسكە سالايىق، 13-ماۋسىمعا قاراعان ءتۇنى يزرايل يران اۋماعىنا جاپپاي سوققى جاساعان. وعان جاۋاپ رەتىندە تەگەران جۇزدەن استام دروندى يزرايل باعىتىنا ۇشىرعان. يران ناتانزداعى يادرولىق نىساننىڭ زاقىمدانعانىن راستادى، الايدا رادياتسيانىڭ تارالۋىن جوققا شىعاردى.
ب ۇ ۇ- داعى يران وكىلى يزرايلدىڭ اۋە سوققىلارى سالدارىنان 78 ادامنىڭ قازا تاپقانىن، تاعى 320 دان استام ادامنىڭ جاراقات العانىن مالىمدەدى. قازا بولعاندار قاتارىندا يراننىڭ جوعارى اسكەري باسشىلىعى مەن جەتەكشى عالىمدار بار.
