اتىراۋدان دۋبايعا رەيستەر ۋاقىتشا توقتاتىلدى

استانا. قازاقپارات - Air Astana 28 ماۋسىمنان باستاپ اتىراۋ- دۋباي باعىتى بويىنشا ۇشۋ ۋاقىتىنىڭ ەداۋىر ۇزارۋىنا بايلانىستى ۋاقىتشا ورىندالمايتىنىن حابارلايدى.

دۋبايعا استانا مەن الماتىدان ۇشاتىن رەيستەر يران مەن يراك اۋە كەڭىستىگى تىسىندا جالعاسادى.

- ۋاقىتشا توقتاتىلعان رەيستەردىڭ جولاۋشىلارىنا الماتى جانە استانا قالالارىنان دۋبايعا نەمەسە اتىراۋدان باسقا باعىتتارعا تەگىن قايتا برونداۋ نە بيلەتتىڭ تولىق قۇنىن قايتارۋ ۇسىنىلادى، - دەلىنگەن Air Astana حابارلاماسىندا.

ايتا كەتەلىك Wizz Air Abu Dhabi استانا مەن ابۋ-دابي اراسىنداعى رەيستەردى ۋاقىتشا توقتاتقانى تۋرالى جازعان ەدىك.

بۇعان دەيىن تاياۋ شىعىستاعى قاقتىعىس اۋماعىنان 109 وتانداسىمىز ەلگە قايتارىلعانىن جازعان ەدىك.