اتىراۋدا كوپقاباتتى ۇيدەگى پاتەردى قاساقانا ورتەگەن كۇدىكتى ۇستالدى

اتىراۋ. KAZINFORM - بۇگىن اتىراۋ قالاسىندا كوپقاباتتى ءۇيدىڭ پاتەرى ورتەندى. پوليسيا قىزمەتكەرلەرى پاتەردى قاساقانا ورتەگەن كۇدىكتىنى ۇستادى.

اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتى كۇدىكتىنىڭ ۇستالۋىنا قاتىستى دەرەكتى راستادى.

«تۇرعىن ۇيدەگى ءورت دەرەگى بويىنشا كۇدىكتى انىقتالىپ، ۇستالدى. قازىر قىلمىستىق ءىس تىركەلدى. كۇدىكتىگە قاتىستى كەشەندى تەرگەۋ امالدارىن جۇرگىزۋ باستالدى. وزگە اقپارات تەرگەۋ مۇددەسىنە سايكەس جاريالاۋعا جاتپايدى»، - دەپ ءمالىم ەتتى دەپارتامەنتتىڭ باسپا ءسوز قىزمەتى.

ەسكە سالا كەتەلىك، بۇعان دەيىن اتىراۋدا قاساقانا ورتەلگەن پاتەردەن 70 جاستاعى ايەلدىڭ مۇردەسى تابىلعانىن جازعان ەدىك.

ءورت تۋرالى بۇگىن، 25-قىركۇيەكتە تۇنىگى ساعات 03:03 تە حابار تۇسكەن.

مۇنايلى شاھاردىڭ الماگۇل شاعىن اۋدانىنداعى 6 قاباتتى تۇرعىن ءۇيدىڭ 1-قاباتىنداعى پاتەر ورتەنگەن. جالىن ساعات 03:44 تە سوندىرىلگەن. ورتتەن 67 ادام، ونىڭ ىشىندە 36 بالا قاۋىپسىز اۋماققا ەۆاكۋاتسيالانعان.

«ورتەنگەن پاتەردەن 1954 -جىلى تۋعان ايەل ادامنىڭ دەنەسى تابىلدى. مارقۇمنىڭ 1994 -جىلعى ۇلىن كۇيىك شالىپ، اۋرۋحاناعا جاتقىزىلدى. ءورتتىڭ الدىن الا سەبەبى - قاساقانا ورتەۋ»، - دەپ ءمالىم ەتتى دەپارتامەنتتىڭ قوعاممەن بايلانىس توبىنان.