اتىراۋدا جەر تەلىمدەرىن زاڭسىز ساتقاندار سوتتالدى
اتىراۋدا مەملەكەت يەلىگىندەگى جەر تەلىمىن ساتقاندارعا سوت ۇكىمى شىقتى، دەپ حابارلايدى قازاقپارات ءتىلشىسى.

اتىراۋ قالاسىنىڭ №2 سوتىندا الاياقتىق دەرەگىمەن مەملەكەتتىك سوت ورىنداۋشى م. ز. -عا، جەكە تۇلعالار ر. ن. مەن د. س. -عا قاتىستى قىلمىستىق ءىس قارالدى. بۇل ءىس ق ر قىلمىستىق كودەكسىنىڭ190-بابىنىڭ 4-بولىگىمەن تەرگەلگەن.
«مەملەكەتتىك سوت ورىنداۋشى م. ز. قىزمەت بابىن پايدالانا وتىرىپ، بۇرىن سوتتالعان ر. ن. -مەن جانە ونىڭ بۇرىنعى جۇبايى د. س. -مەن بىرگە بىرنەشە رەت مەملەكەت مەنشىگىندەگى جەر ۋچاسكەلەرىن كورىنەۋ جالعان ساتىپ الۋ- ساتۋ شارتتارىن جاساسۋ ارقىلى مەملەكەت مەنشىگىنەن شىعارعان. الداۋ جانە سەنىمدى تەرىس پايدالانۋ جولىمەن ءۇشىنشى تۇلعالارعا زاڭسىز ساتۋ ارقىلى مەملەكەتكە اسا ءىرى مولشەردە زالال كەلتىرىلگەن»، - دەپ حابارلادى اتالعان سوتتىڭ باسپا ءسوز قىزمەتى.
سوت وتىرىسىندا پروتسەستىك كەلىسىم جاساقتاۋ تۋرالى ءوتىنىشحات بەرىلگەن. اتالعان ءوتىنىشحات قاناعاتتاندىرىلىپ، پروكۋرور مەن سوتتالۋشى اراسىندا پروتسەستىك كەلىسىم جاساقتالعان.
«سوت ۇكىمىمەن م. ز. كىنالى دەپ تانىلىپ، وعان مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا، 5 جىل مەرزىمگە باس بوستاندىعىنان ايىرۋ جازاسى تاعايىندالدى. ر. ن. كىنالى دەپ تانىلىپ، وعان كوممەرتسيالىق نەمەسە وزگە ۇيىمداردا باسقارۋ فۋنكتسيالارىن اتقارۋ قۇقىعىنان 5 جىل مەرزىمگە، قىلمىستىق كودەكسىنىڭ 60-بابىنىڭ 1-بولىگىنىڭ نەگىزىندە ۇكىمدەردىڭ جيىنتىعى بويىنشا تۇپكىلىكتى 5 جىل 6 اي مەرزىمگە باس بوستاندىعىنان ايىرۋ جازاسى بەرىلدى. قىلمىستىق كودەكسىنىڭ 74-بابىنىڭ 1-بولىگىنە سايكەس، سوتتالعانداردىڭ جاس بالالارى 14 جاسقا تولعانعا دەيىن جازالارىن وتەۋى كەيىنگە قالدىرىلدى. د. س. كىنالى دەپ تانىلىپ، وعان كوممەرتسيالىق نەمەسە وزگە ۇيىمداردا باسقارۋ فۋنكتسيالارىن اتقارۋ قۇقىعىنان 5 جىل مەرزىمگە، 5 جىل مەرزىمگە باس بوستاندىعىنان ايىرۋ جازاسى تاعايىندالدى»، - دەپ ءمالىم ەتتى №2 سوتتىڭ باسپا ءسوز قىزمەتىنەن.
سوت ۇكىمى زاڭدى كۇشىنە ەنگەن جوق.