اتىراۋدا جايىق وزەنىندەگى مۇز ۇستىندە تۇلكى ءجۇر

اتىراۋ. KAZINFORM - اتىراۋدا جايىق وزەنىندە قاتقان مۇز ۇستىندە تۇلكى ءجۇر. ونى بالىق اۋلاۋعا شىققاان بالىقشىلار ۆيدەوعا ءتۇسىرىپ العان.

جەرگىلىكتى اۋەسقوي بالىقشى راحيم قويلىبايەۆتىڭ ايتۋىنشا، ۆيدەو كەشە، 18-اقپاندا اتىراۋ قالاسىنداعى «اۆانگارد» شاعىن اۋدانىندا تۇسىرىلگەن.

ۆيدەودا تۇلكىنىڭ جايىق وزەنىنىڭ ۇستىندە جۇرگەنى كورىنەدى. تۇلكىنىڭ جانىندا قارعالار ءۇشىپ ءجۇر. دالا اڭىنىڭ جەمتىك ىزدەگەنى بايقالادى.

«اتىراۋدا مۇنداي جاعداي ءبىرىنشى رەت ەمەس. ماسەلەن، 2021 -جىلعى جەلتوقساننىڭ سوڭىندا تۇلكى اتىراۋ قالاسىنداعى ازاتتىق كوشەسىمەن بارا جاتتى. ونىڭ دا ۆيدەوسى تارادى. كەيىن ەركىنقالا اۋىلىنا 3-4-قابان كىرىپ كەتتى. ال، جاقىندا دامبى اۋىلىنا باراتىن جولمەن قاسقىردىڭ ەلدى مەكەنگە قاراي بارا جاتقانىن كوردىك. قالاعا، نە اۋىلعا اشىققان اڭ كەلۋى مۇمكىن. مۇنىڭ باسقالاي سەبەبى جوق»، - دەيدى راحيم قويلىبايەۆ.

ەسكە سالا كەتەلىك، بۇدان بۇرىن اتىراۋداعى اۋىل ماڭىندا قاسقىر جۇرگەنىن حابارلاعان ەدىك.

اۆتور
جولداسبەك شوپەعۇل