اتىراۋدا 27 جاستاعى جىگىت تۇرعىنداردى ايەل داۋسىمەن الداعان - ۆيدەو
اتىراۋدا 27 جاستاعى جىگىت بىرنەشە تۇرعىندى ايەل داۋسىمەن الداپ كەلگەن، دەپ حابارلايدى Kazinform.
اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، بيىل الەۋمەتتىك جەلىدەگى پاراقشالاردا پاتەر جالعا بەرۋ جونىندەگى جاريالانعان حابارلاندىرۋدان 20 عا جۋىق تۇرعىن زارداپ شەككەن.
«كريمينالدىق پوليتسيا باسقارماسىنىڭ قىزمەتكەرلەرى «Hi-Tech» ءىس-شاراسى كەزىندە كۇدىكتىنىڭ Krisha.kz پاراقشاسىندا پاتەردى جالعا بەرۋ جونىندە جالعان حابارلاندىرۋ بەرىپ كەلگەنىن انىقتادى. ول حابارلاسقان تۇرعىنداردىڭ الدىن-الا تولەم رەتىندە اۋدارعان قارجىسىن الاياقتىق جولمەن يەمدەنگەن. نازار اۋداراتىن ءبىر جايت، كۇدىكتى تەلەفونداعى داۋىسىن ءارتۇرلى ۇنگە وزگەرتىپ، بىردە جاس قىز، كەلەسىدە ورتا جاستاعى ايەل ادام بولىپ سويلەسكەن. ماسەلەن، 37 جاستاعى تۇرعىن كۇدىكتىمەن Whatsapp مەسسەندجەرى ارقىلى حات الماسىپ، الدىن-الا 50 مىڭ تەڭگە اۋدارىپ، الدانىپ قالعان. تەرگەۋ كەزىندە كۇدىكتىنىڭ وسىنداي 3 قىلمىستىق ىسكە قاتىسى بارى انىقتالدى»، - دەپ حابارلادى دەپارتامەنتتىڭ باسپا ءسوز قىزمەتى.
قازىر كۇدىكتىگە قاتىستى ق ر قىلمىستىق كودەكسىنىڭ 190-بابىنىڭ 3-بولىگىمەن سوتقا دەيىنگى تەرگەپ- تەكسەرۋ باستالدى. وزگە اقپارات ق ر قىلمىستىق-پروتسەستىك كودەكسىنىڭ 201-بابىنا سايكەس جاريالاۋعا جاتپايدى.
