اتىراۋدا 23 جاستاعى بويجەتكەندى 3 كۇننەن بەرى ىزدەپ جاتىر

اتىراۋ. KAZINFORM - اتىراۋدا 23 جاستاعى بويجەتكەن 3 كۇن بۇرىن جوعالىپ كەتكەن. ونى پوليتسيا قىزمەتكەرلەرى تابا الماي جاتىر.

اتىراۋ وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا سۇيەنسەك، جوعالعان ارۋ 18-قازاندا تۇنگى ساعات 22:00 شاماسىندا ۇيىنەن شىعىپ كەتكەن.

«ءىز-ءتۇزسىز جوعالعان بويجەتكەن يانا لەگدوكيموۆا 2001 جىلى دۇنيەگە كەلگەن. ول اتىراۋ قالاسىنداعى اۆانگارد-2 شاعىن اۋدانىندا تۇرعان. ۇيىنەن 18-قازان كۇنى ساعات 22:00 شاماسىندا شىعىپ، وسى ۋاقىتقا دەيىن كەرى ورالماعان. جوعالعان بويجەتكەننىڭ بويى - 1 مەتر 60 س م»، - دەپ حابارلادى دەپارتامەنتتىڭ باسپا ءسوز قىزمەتى.

قازىر پوليتسيا قىزمەتكەرلەرى حابار-وشارسىز كەتكەن ارۋدى جان- جاقتى ىزدەستىرۋ جۇمىستارى جۇرگىزىپ جاتىر. ازىرگە ءىز-ءتۇزسىز جوعالعان قىزدىڭ قاي باعىتقا كەتكەنى، قايدا جۇرگەنى تۋرالى ەش دەرەك جوق.

«جوعالعان ادامدى ىزدەستىرۋ جالعاسىپ جاتىر. ول تۋرالى قانداي دا ءبىر اقپارات بولسا، 102 نومىرىنە دەرەۋ قوڭىراۋ شالۋدى سۇرايمىز»، - دەپ ءمالىم ەتتى دەپارتامەنتتىڭ باسپا ءسوز قىزمەتىنەن.

ەسكە سالا كەتەلىك، بۇدان بۇرىن ەلوردادا ءتورت جىل بۇرىن جوعالعان ادام تابىلعانى حابارلانعان بولاتىن.

اۆتور
جولداسبەك شوپەعۇل