اتىراۋدا 1,1 ميلليون تەڭگەدەن استام ايىپپۇلىن تولەمەگەن جۇرگىزۋشى ۇستالدى

اتىراۋدا ءىرى مولشەردەگى ايىپپۇلىن تولەمەي جۇرگەن ەكى جۇرگىزۋشى ۇستالدى. جۇرگىزۋشىنىڭ بىرىنە 900 مىڭ، ەكىنشىسىنە 1 ميلليون 138 مىڭ تەڭگە ايىپپۇل سالىنعان، دەپ حابارلايدى Kazinform.

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، كەشە، 29- قازاندا ەكى جۇرگىزۋشى ۇستالعان.

- اتىراۋ قالالىق پوليتسيا باسقارماسى جەدەل باسقارۋ ورتالىعىنىڭ بەينەباقىلاۋ قىزمەتكەرلەرى جەرگىلىكتى ۋاقىتپەن ساعات 16:20 شاماسىندا Interceptor ىزدەۋ جۇيەسى ارقىلى ەكى اۆتوكولىكتى انىقتادى. پاترۋلدىك پوليتسيا قىزمەتكەرلەرى ۆاز جانە Audi اۆتوكولىكتەرىن قالا اۋماعىنان توقتاتتى. رەسەيلىك زاۋىتتان شىعارىلعان جەڭىل كولىك جۇرگىزۋشىسىنە 900 مىڭ تەڭگەنى قۇرايتىن 34 ايىپپۇل سالىنعان. ال، Audi اۆتوكولىگى جۇرگىزۋشىسىنىڭ 1 ميلليون 138 مىڭ تەڭگەنى قۇرايتىن 28 ايىپپۇلى بار ەكەنى انىقتالدى. جۇرگىزۋشىلەرگە ءتيىستى ءىس-شارالارى قولدانىلىپ، اۆتوكولىكتەر ارنايى ايىپ تۇراعىنا قويىلدى، - دەپ حابارلادى دەپارتامەنتتىڭ باسپا ءسوز قىزمەتى.

ەسكە سالا كەتەلىك، بۇعان دەيىن اتىراۋدا ءبىر ايدا ايىپپۇلىن تولەمەي جۇرگەن 1 مىڭ جۇرگىزۋشى ۇستالعانىن حابارلاعان ەدىك.

سونداي-اق، جول ەرەجەسىن بۇزعان زەينەتكەر جۇرگىزۋشىگە 483 مىڭ تەڭگە ايىپپۇل سالىنعانىن جازعان بولاتىنبىز.

بەلگىلى بولعانداي، 16- قازاننان بەرى كولىكتىڭ رۋلىنە الكوگولدىك ماس كۇيدە وتىرعان 22 جاستاعى 7 جىل مەرزىمگە جۇرگىزۋ قۇقىعىنان ايىرىلعان. ال، 1955-جىلى تۋعان زەينەتكەر جۇرگىزۋشىگە 483 مىڭ تەڭگە كولەمىندە ايىپپۇل سالىنعان.

سونداي-اق، 18- قازاندا جەدەل باسقارۋ ورتالىعىنىڭ بەينەباقىلاۋ قىزمەتكەرلەرى Interceptor ىزدەۋ جۇيەسى ۆاز- 2110 اۆتوكولىگىنىڭ ءجۇرۋ باعىتىن انىقتادى. پاترۋلدىك پوليتسيا قىزىمەتكەرلەرى اۆتوكولىكتى توقتاتتى. تەكسەرۋ كەزىندە 1983-جىلعى جۇرگىزۋشىنىڭ 793 مىڭ 500 تەڭگەنى قۇرايتىن 36 ايىپپۇلى بار ەكەنى انىقتالدى. بورىشكەر جۇرگىزۋشىنىڭ اۆتوكولىگى ارنايى ايىپ تۇراعىنا قويىلدى.