اتىراۋ پوليتسياسىندا جۇمىس ىستەيتىن ارۋ قويان- قولتىق ۇرىستان ازيا چەمپيونى اتاندى

اتىراۋ. KAZINFORM - اتىراۋ پوليتسياسىندا جۇمىس ىستەيتىن ارۋ قويان-قولتىق ۇرىستان ازيا چەمپيونى اتاندى.

اتىراۋ وبلىستىق پوليتسيا دەپارتامەنتى باسپا ءسوز قىزمەتىنىڭ اقپاراتىنا قاراعاندا، قىزمەتىمەن بىرگە سپورتتا دا جەتىكستىككە جەتكەن قىزمەتكەرلەر از ەمەس. سونىڭ ءبىرى - پوليتسيا لەيتەنانتى

ايدا حايرۋللينا سپورتتىڭ قويان- قولتىق ۇرىس تۇرىمەن اينالىسادى.

وسى اپتادا قىرعىز رەسپۋبليكاسىنىڭ استاناسى - بىشكەكتە وتكەن ازيا چەمپيوناتىندا باق سىنادى. ءدۇبىرلى دودادا 13 ەلدەن 250 سپورتشى قاتىسقان.

بۇل سايىستا اتىراۋلىق پوليتسيا لەيتەنانتى ايدا حايرۋللينا 70 كەلى سالماقتا سىنعا ءتۇستى. ول قارسىلاستارىنىڭ ءبارىن قاپى قالدىرىپ، ءبىرىنشى جۇلدەنى يەلەندى. ءسويتىپ، ازيا چەمپيوناتى اتانىپ وتىر.

ەسكە سالا كەتەلىك، بۇعان دەيىن اتىراۋ پوليتسياسىندا قويان- قولتىق ۇرىستان الەم چەمپيونى اتانعان اتىراۋلىق پوليتسەي جۇمىس ىستەيتىنىن حابارلاعان ەدىك.

پوليسيا اعا لەيتەنانتى ديانا جۇماعازيەۆا اتىراۋ قالاسىندا كامەلەتكە تولماعاندار ءىسى جونىندەگى ۋچاسكەلىك پوليتسيا ينسپەكتورى بولىپ جۇمىس ىستەيدى. ءوزىنىڭ ايتۋىنشا، بالا كەزىنەن پوليتسيادا جۇمىس ىستەۋدى ماقسات ەتكەن.

سول ماقساتپەن م. بوكەنبايەۆ اتىنداعى زاڭ ينستيتۋتىن بىتىرگەن. قۇقىق قورعاۋ ورگانىنداعى قىزمەتىن ۋچاسكەلىك پوليتسيا ينسپەكتورىنىڭ كومەكشىسىنەن باستاعان.

قازىر ول جۇمىسپەن عانا شەكتەلمەي، سپورتتىڭ كيكبوكسينگ جانە قويان-قولتىق ۇرىس تۇرىمەن شۇعىلدانادى. سپورتتاعى جەتىستىگى از ەمەس. جاستار اراسىنداعى قازاقستاننىڭ چەمپيونى، قويان- قولتىق ۇرىستان ايەلدەر اراسىنداعى الەم چەمپيونى اتانعان.