اتىراۋ وبلىسىندا ەكى ءىرى مۇناي كومپانياسىنا 10,7 ميلليارد تەڭگە ايىپپۇل سالىندى
اتىراۋ وبلىسىندا ەكى ءىرى مۇناي كومپانياسى ەكولوگيا زاڭناماسىن بۇزعانى ءۇشىن جالپى سوماسى 10,7 ميلليارد تەڭگەگە جاۋاپقا تارتىلدى. قازاقپارات بۇل تۋرالى ءوڭىر پروكۋراتۋراسىنا سىلتەمە جاساپ حابارلايدى.
«اتىراۋ وبلىسىنىڭ پروكۋراتۋراسى تابيعاتتى پايدالانۋ سۋبەكتىلەرىنىڭ ەكولوگيالىق زاڭناما تالاپتارىنىڭ ساقتالۋىنا تالداۋ جۇرگىزدى.
تالداۋ شەڭبەرىندە پارنيكتىك گازدار كۆوتاسىنان اسىپ كەتۋ، ەميسسيانى ەكولوگيالىق رۇقساتسىز جۇزەگە اسىرۋ، سونداي- اق رۇقسات ەتىلگەن شىعارىندىلار نورمالارىنان اسىپ كەتۋ جانە جەردىڭ لاستانۋ فاكتىلەرى انىقتالدى.
ەنگىزىلگەن پروكۋرورلىق قاداعالاۋ اكتىلەرىنىڭ ناتيجەcىمەن «Karabatan Utility Solutions» ج ش س جانە «تەڭىزشيەۆرويل» ج ش س اكىمشىلىك جاۋاپكەرشىلىككە تارتىلدى»، - دەلىنگەن اتىراۋ وبلىسىنىڭ پروكۋراتۋراسى ۇسىنعان باسپا ءسوز بايانىندا.
وسىلايشا، اتالعان قوس كومپانيانى سوت كىنالى دەپ تانىپ، ولاردان ايىپپۇل تۇرىندە 10,7 ميلليارد تەڭگە ءوندىرىلىپ الىندى.
ەسكە سالايىق، «ساعىز» پوليگونىندا 13108 توننا مۇناي قالدىقتارىن ەكولوگيالىق رۇقساتسىز جيناقتاعان «Oxygenator» ج ش س- عا 37 ميلليارد تەڭگە ايىپپۇل سالىنعانى تۋرالى كەشە عانا حابارلاعان بولاتىنبىز.
اۆتور
گۇلميرا الياكپاروۆا
