اتىراۋ وبلىسىندا 104 جاستاعى اجە ۇيىندە داۋىس بەردى

اتىراۋ. KAZINFORM - اتىراۋ وبلىسىندا تۇراتىن 104 جاستاعى ءشامىل ءومىرجانوۆا رەفەرەندۋمدا ۇيىندە داۋىس بەردى.

ول رەسەيمەن شەكاراداعى قۇرمانعازى اۋدانىنىڭ بۇزاۋسلان اۋىلىندا تۇرادى. بيىل ساۋىردە 104 جاسقا تولعان.

تىل ارداگەرى 7 قىز مەن 2 ۇلدى ومىرگە اكەلگەن. ۇل- قىزداردان 8 نەمەرە، 80-نان استام جيەن- جيەنشار، 20-عا جۋىق شوبەرە ءسۇيىپ وتىر.

عاسىردان دا ۇزاق عۇمىر جاساعان كەيۋانا رەفەرەندۋمدا ۇيىنەن داۋىس بەرۋ ءۇشىن ءوتىنىش تۇسىرگەن. ونىڭ وتىنىشىنە سايكەس №172 رەفەرەندۋم ۋچاسكەسىنىڭ كوميسسيا مۇشەلەرى اجەيدىڭ ۇيىنە بيۋللەتەن مەن جاشىك الىپ كەلدى.

«ەلىمىزدىڭ ىرگەسى بەرىك بولسىن. قازاق جاستارىنىڭ ءبىلىمدى، ساۋاتتى، ونەگەلى، ءبىر- بىرىمەن تاتۋ بولعانىن قالايمىن. سوندا عانا ەلدىڭ بولاشاعى جارقىن بولادى»، - دەپ باتاسىن بەردى ءشامىل ءومىرجانوۆا.

اتىراۋ وبلىستىق اۋماقتىق رەفەرەندۋم كوميسسياسىنىڭ مالىمەتىنشە، داۋىس بەرۋ قۇقىعى بار ازاماتتاردىڭ سانى - 411880. داۋىس بەرۋدىڭ اشىقتىعى مەن زاڭدىلىعىن باقىلايتىن 7 ۇيىم اكرەديتتەلگەن.

اۆتور

جولداسبەك شوپەعۇل