اتىراۋ مۇناي وڭدەۋ زاۋىتىندا قوندىرعى كوللەكتورىنان اقاۋ شىقتى

اتىراۋ. KAZINFORM - اتىراۋ مۇناي وڭدەۋ زاۋىتىنداعى بۋتەندى وليگومەريزاتسيالاۋ قوندىرعىسىنىڭ كوللەكتورىندا سۇيىقتىق توگىلگەنى انىقتالعان. قازىر جوندەۋ ءجۇرىپ جاتىر.

زاۋىتتىڭ قوعاممەن بايلانىس ءبولىمىنىڭ مالىمەتىنە سۇيەنسەك، كەشە، 26-اقپاندا جەرگىلىكتى ۋاقىتپەن ساعات 18:30-دا بۋتەندى وليگومەريزاتسيالاۋ قوندىرعىسىنداعى بەنزين كوللەكتورىندا اقاۋ شىققان.

«ءونىمدى تەز ىعىستىرۋ ءۇشىن بۇل جەلىگە 15 ك گ س/ك ۆ س م قىسىممەن سۋ جىبەرىلدى. قازىر جوندەۋ جۇمىسى قولعا الىندى. بارلىق تەحنولوگيالىق قوندىرعى قالىپتى جۇمىس ىستەپ تۇر. مۇناي ونىمدەرىن ءوندىرۋ جانە جونەلتۋ جوسپارعا سايكەس جۇرگىزىلىپ جاتىر»، - دەپ حابارلادى قوعاممەن بايلانىس بولىمىنەن.

ەسكە سالا كەتەلىك، بۇدان بۇرىن «قازمۇنايگاز» كوميسسياسى اتىراۋ مۇنايىن وڭدەۋ زاۋىتىن تەكسەرۋدى باستاعان ەدى.

تەكسەرۋ قورىتىندىسىمەن اتىراۋ مۇناي وڭدەۋ زاۋىتىنىڭ باس ديرەكتورى مەن باس ينجەنەرى قىزمەتىنەن بوساتۋعا شەشىم قابىلداندى.

كەيىن زاۋىتتىڭ باس ينجەنەرى تاعايىندالدى.

اۆتور

جولداسبەك شوپەعۇل