اتىشۋلى «Biz Birgemiz» قورى تاراتىلدى

استانا. KAZINFORM - قايىرىمدىلىق ماقساتقا جينالعان قاراجاتتى قارا باسىنىڭ قامىنا جۇمسادى دەپ ايىپتالعان پەريزات قايرات جەتەكشىلىك ەتەتىن «Biz Birgemiz Qazaqstan 2030» قورى تاراتىلاتىن بولدى.

بۇل تۋرالى ادىلەت مينيسترلىگىنىڭ باسپا ءسوز قىزمەتى تاراتقان مالىمەتتە ايتىلعان.

- قايرات پەريزات جەتەكشىسى بولعان «Biz Birgemiz Qazaqstan 2030» قوعامدىق قورىن 2021 -جىلدىڭ 11-قازانىندا استانا قالاسىنىڭ ادىلەت دەپارتامەنتى تىركەگەن.

14-اقپاندا استانا قالاسىنداعى اۋدانارالىق مامانداندىرىلعان ەكونوميكالىق سوتىنا جوعارىدا اتالعان بىرلەستىكتى تىركەۋ قۇجاتتارىنىڭ كۇشىن جويىپ، ءماجبۇرلى تۇردە تاراتۋ تۋرالى تالاپ ارىز ءتۇستى. سوتقا تالاپ ارىز تۇسىرۋگە قارجىلىق مونيتورينگ اگەنتتىگىنىڭ «Biz Birgemiz Qazaqstan 2030» قوعامدىق بىرلەستىگىن تىركەۋ پروتسەدۋراسىنىڭ كۇشىن جويۋ تۋرالى باستاماسى نەگىز بولدى. ول باستاما بىرلەستىكتى قۇرۋ كەزىندە زاڭنامانىڭ بۇزىلۋى جانە ول زاڭ بۇزۋ فاكتىلەرىن جويۋ مۇمكىن ەمەستىگىمەن، ياعني، زاڭدى تۇلعانى سوت شەشىمىمەن تاراتۋعا نەگىز بولاتىنىمەن بايلانىستى، - دەپ جازىلعان ادىلەت مينيسترلىگىنىڭ تۇسىندىرمەسىندە.

وتكەن اپتادا پەريزات قايراتتىڭ ىسىنە قاتىستى تىڭ مالىمەتتەر پايدا بولعان ەدى.

وعان دەيىن پەريزات قايراتتىڭ ءىسى 100 تومنان اسقانى ايتىلعان بولاتىن.

اۆتور

ەسىمجان ناقتىباي