14:25, 26 - ماۋسىم 2025 | GMT +5
اۆتوكولىك تەرەزەسىن تولىق قاراڭعىلاۋعا رۇقسات بەرىلە مە - مينيسترلىك جاۋابى
استانا. KAZINFORM - ق ر ءى ءى م زاڭ مەن نورما شىعارماشىلىعىن ۇيلەستىرۋ دەپارتامەنتىنىڭ باسشىسى رەنات زۇلحايىروۆ اۆتوكولىكتەردىڭ الدىڭعى ءبۇيىر تەرەزەسىن اقىلى تۇردە قاراڭعىلاۋدى زاڭداستىرۋ ۇسىنىسىنا پىكىر ايتتى.
- مينيسترلىكتىڭ زاڭ مەن نورما شىعارماشىلىعىن ۇيلەستىرۋ دەپارتامەنتىنىڭ باسشىسى رەتىندە ايتارىم، بىزگە وسى تاقىرىپ بويىنشا بۇيرىق نەمەسە ءتيىستى قۇجاتتار كەلىپ تۇسكەن جوق. اتاپ ايتقاندا، اۆتوكولىك تەرەزەلەرىن تولىق قاراڭعىلاۋعا رۇقسات بەرۋ جوسپارى جوق، - دەدى ر. زۇلحايىروۆ پارلامەنت سەناتىندا تىلشىلەر سۇراعىنا جاۋاپ بەرە وتىرىپ.
ەسكە سالساق، بيىل مامىر ايىندا ءماجىلىس دەپۋتاتى ولجاس قۇسپەكوۆ اۆتوكولىكتەردىڭ الدىڭعى ءبۇيىر تەرەزەسىن اقىلى تۇردە قاراڭعىلاۋدى زاڭداستىرۋ تۋرالى ۇسىنىس ايتتى.
