اۆتوبۋستا دومبىرا شەرتكەن شىنجاڭدىق بالا كوپشىلىكتىڭ ىقىلاسىنا بولەندى
استانا. KAZINFORM - اۆتوبۋستا دومبىرا شەرتىپ وتىرعان جاس ءوسپىرىم كوپشىلىكتىڭ نازارىن وزىنە اۋداردى، دەپ حابارلايدى قىتايدىڭ Harajorga اقپاراتتىق جەلىسى.
اتالعان ب ا ق- تىڭ مالىمەتىنشە، جاقىندا شىنجاڭدىق جاس جەتكىنشەكتىڭ اۆتوبۋستا دومبىرا شەرتىپ وتىرعان ۆيدەوسى الەۋمەتتىك جەلىلەردە تاراعان. ۆيدەونى كورگەن جەلى قولدانۋشىلارى ىستىق ىقىلاسىن بىلدىرگەن.
كەلتىرىلگەن دەرەكتەرگە سۇيەنسەك، اۆتوبۋس جۇرگىزۋشىسى جاسءوسپىرىم بالانىڭ دومبىرامەن قوعامدىق كولىكتە وتىرعانىن كورىپ وعان «ءبىر كۇي تارتىپ بەرسەڭشى» دەپ وتىنەدى. جولاۋشى بالا ەش تارتىنباستان دومبىراسىن قولىنا الىپ كوسىلتە كۇي شەرتە جونەلەدى.
- دومبىرانىڭ كۇمبىرلى ءۇنى قىسقى كۇندەگى اۆتوبۋس ىشىنە جىلۋلىق پەن جاراسىمدىلىق سىيلادى. الەۋمەتتىك جەلى قولدانۋشىلارى كىشكەنتاي بالانىڭ تارتىمدى ونەرىنە ريزا بولىپ، جاقسى تىلەگىن ايتىپ جاتتى، - دەپ جازادى قىتايلىق باسىلىم.
بيىل قىتايدا تەمىر جولمەن تاسىمالدانعان ادامدار سانى 4 ميللياردتان اسقانىن جازعان بولاتىنبىز.
اۆتور
بەيسەن سۇلتان
