اۆتوبۋستا بىرەۋدى بالاعاتتاعاندارعا قانشا ايىپپۇل سالىنادى؟
استانا. KAZINFORM - قوعامدىق كولىكتە بىرەۋدى بالاعاتتاعاندار قانشا ايىپپۇل تولەيتىنىن بىلەسىز بە؟
اكىمشىلىك قۇقىقبۇزۋشىلىق تۋرالى كودەكستىڭ 434-بابىنا («ۇساق بۇزاقىلىق») سايكەس قوعامدىق ورىنداردا بىلاپىت سويلەۋ، جەكە تۇلعالارعا زابىرلەپ تيىسۋ جانە اينالاسىنداعىلارعا قۇرمەتپەن قاراماۋدى بىلدىرەتىن، قوعامدىق ءتارتىپ پەن جەكە تۇلعالاردىڭ تىنىشتىعىن بۇزاتىن باسقا دا وسىنداي ارەكەتتەر 20 ا ە ك مولشەرىندە ايىپپۇل سالۋعا نە 5-15 تاۋلىككە دەيىنگى مەرزىمگە اكىمشىلىك قاماۋعا الۋعا اكەپ سوعادى.
ياعني قوعامدىق ورىنداردا بالاعات ءسوز ايتقاندارعا 20 ا ە ك، ياعني 78640 تەڭگە ايىپپۇل سالىنادى نەمەسە 30 تاۋلىككە قاماۋعا الىنادى.
ال مۇعالىمدى نەمەسە دارىگەردى بالاعاتتاسا، وندا 10 ا ە ك، ياعني 39320 تەڭگە كولەمىندە ايىپپۇل قاراستىرىلعان.
ەسكە سالايىق، بۇعان دەيىن قازاقستاندىقتاردىڭ ومىرىندە ءجيى كەزدەسەتىن ايىپپۇلداردىڭ كولەمى قانشا ەكەنى حابارلانعان بولاتىن.
