اۆتوگازدىڭ باعاسى قاي وڭىردە قالاي وزگەرەدى - مينيستر بۇيرىعى

استانا. KAZINFORM - قازاقستاندا 1-اقپاننان باستاپ جانار-جاعارماي قۇيۋ ستانسيالارىندا اۆتوگازدىڭ شەكتى باعاسى وسەدى.

АГЗС газовая заправка газ құю станциясы
Фото: Kazinform

ءبىراق، باعا ءار ايماقتا ءارتۇرلى، ياعني ليترى 65 تەڭگەدەن 107 تەڭگەگە دەيىن وزگەرەدى. تولىعىراق ەنەرگەتيكا ءمينيسترىنىڭ بۇيرىعىندا ايتىلعان.

قازىر ەل وڭىرلەرىندە اۆتوگاز 54 تەڭگە مەن 94 تەڭگە ارالىعىندا ساتىلىپ جاتىر. ال 1-اقپاننان باستاپ اۆتوگاز باعاسى ليترىنە 65 تەڭگەدەن 102 تەڭگەگە دەيىن وسەدى.

ايتا كەتسەك، ەڭ جوعارى باعا الماتى مەن استانا قالاسىندا (ليترى 102 تەڭگە) ساتىلادى، ال ارزان باعا ماڭعىستاۋ وبلىسىنا تيەسىلى ( ليترى 65 تەڭگە).

1 -اقپاننان باستاپ وڭىرلەردە اۆتوموبيل گازىنىڭ قۇنى قالاي وزگەرەدى:

استانا قالاسى - 102 تەڭگە (قازىر 82 تەڭگە)

الماتى قالاسى - 102 تەڭگە (قازىر 89 تەڭگە)

اقتوبە، اتىراۋ وبلىسى - 77 تەڭگە (قازىر 59 تەڭگە)

اقمولا، الماتى وبلىسى - 102 تەڭگە (قازىر 84 جانە 89 تەڭگە)

شىعىس قازاقستان، قوستاناي، قاراعاندى، جەتىسۋ، ۇلىتاۋ وبلىسى جانە اباي وبلىسى - 102 تەڭگە (قازىر 84 تەڭگە)

جامبىل وبلىسى - 90 تەڭگە (قازىر 78 تەڭگە)

باتىس قازاقستان وبلىسى - 77 تەڭگە (قازىر 70 تەڭگە)

قىزىلوردا وبلىسى - 90 تەڭگە (قازىر 70 تەڭگە)

ماڭعىستاۋ وبلىسى - 65 تەڭگە (قازىر 59 تەڭگە)

پاۆلودار وبلىسى - 102 تەڭگە (قازىر 81 تەڭگە)

سولتۇستىك قازاقستان وبلىسى - 102 تەڭگە (قازىر 89 تەڭگە)

شىمكەنت قالاسى جانە تۇركىستان وبلىسى - 90 تەڭگە (قازىر 70 تەڭگە).

ەسكە سالا كەتسەك، بىلتىر ەلىمىزدىڭ بىرنەشە وڭىرىندە اۆتوگاز تاپشىلىعى بايقالدى. ماسەلەن، ورال قالاسىندا اۆتوگاز قۇيۋ ستانسالارىنىڭ ءبىرقاتارىندا سۇيىتىلعان مۇناي گازى جوق بولسا، بارلارىندا كەزەك سەيىلمەي تۇرعانىن حابارلادىق.

سونىمەن قاتار تۇركىستان وبلىسىندا دا اۆتوگاز تاپشىلىعى تۋىندادى.

سونداي- اق، جاڭا گاز باعاسىنىڭ نارىققا اسەرى تۋرالى ساراپشىلار پىكىرىن بىلگەن ەدىك.

اۆتور

داۋلەت ىزتىلەۋ

سوڭعى جاڭالىقتار