پاتەرىڭىزدە تاراقاندار قاپتاپ كەتسە، قالاي قۇتىلۋعا بولادى؟ عالىم كەڭەسى

 ەلىمىزدە پاتەرىن تاراقان جايلاپ، ودان قۇتىلۋدىڭ جولىن ىزدەگەن تۇرعىن از ەمەس. سوندىقتان تاراقاندارمەن قالاي كۇرەسۋگە بولاتىنىن مەملەكەتتىك ءبىلىم بەرۋ ۋنيۆەرسيتەتىنىڭ جاراتىلىستانۋ عىلىمدارى فاكۋلتەتىنىڭ جالپى بيولوگيا جانە بيوەكولوگيا كافەدراسىنىڭ دوتسەنتى انتون موسكايەۆ ايتىپ بەردى، - دەپ حابارلايدى ماسساگەت mir24.tv-گە سىلتەمە جاساپ. 

Тазалық
Фото: Shutterstock/FOTODOM

ماماننىڭ ايتۋىنشا، پاتەردە تاراقاندار كورشىلەردىڭ ءبىرى ۇيىنە دەزينفەكتسيا جاساعاندا نەمەسە تۇرعىندار دەمالىسىن ۇيدەن تىس جەردە وتكىزگەننەن كەيىن پايدا بولادى.

ول سونداي-اق بۇل جاندىكتەر ىشەك ينفەكتسيالارىنىڭ قوزدىرعىشتارىن تاسىمالدايتىنىن ەسكەرتتى. سونىمەن قاتار، ولاردىڭ ءناجىسى مەن تەرىلەرى ادامعا تەرىس اسەر ەتىپ، رينيت، برونح دەمىكپەسى جانە دەرماتيت سەكىلدى اللەرگيالىق رەاكسيا تۋدىرۋى مۇمكىن.

دوتسەنت ەڭ الدىمەن تاراقانداردى سۋعا قولجەتىمدىلىكتەن ايىرۋدى ۇسىندى. مىسالى ەدەننەن بارلىق شۇبەرەك پەن كىلەمدى الىپ، ىلعالدى ازايتۋ ءۇشىن تەرەزەنى اشىپ بولمەنى ۇنەمى جەلدەتىپ وتىرۋعا بولادى. سونداي-اق، تاماققا ەرەكشە نازار اۋدارۋ كەرەك، تاماقتىڭ قالدىعى مەن ۇگىندىسىن قالدىرماي، تولىعىمەن تازالاپ، تازا قوقىس جاشىگىنە سالىپ وتىرعان ءجون. ءارى قاراي، تاراقانداردىڭ كوبەيۋ وشاعىنا نازار اۋدارۋعان دۇرىس، مىسالى پاتەردە ۇنەمى كىشىگىرىم جوندەۋ جۇمىستارىن جۇرگىزۋ: جارىقتاردى بىتەۋ، اسىرەسە پليتكالارى بار قابىرعاداعى. ساراپشى قابىرعا مەن توبەنى ساندىك قاپتامامەن جابۋعا كەڭەس بەرمەيدى.

تاراقانداردان قۇتىلعاننان كەيىن، ولاردىڭ قايتا كوبەيۋىنىڭ الدىن الۋ كەرەك. دوتسەنت كارتون ىدىستاردى، جەلدەتكىش نە باسقا تەحنيكالاردى ساتىپ الار الدىن جاقسفلاپ تەكسەرۋدى ۇسىندى. تۇرعىن ءۇيدى تاراقانداردان وڭدەۋدىڭ بارلىق ارەكەتى جاندىك جينالعان ءۇي-جايلاردى ءبىر نەمەسە ودان كوپ كۇن وڭدەگەن كەزدە عانا ناتيجە بەرەدى. كورشىلەرمەن كەلىسىم بويىنشا ايىنا ءبىر-ەكى رەت سانيتارلىق كۇن وتكىزۋ وتە پايدالى تاجىريبە بولۋى مۇمكىن.

بيولوگ سونىمەن قاتار دۇكەننەن ساتىپ الىنعان تاراقاندارعا قارسى ونىمدەر دۇرىس ساقتالماعاندىقتان، ناتيجە بەرمەۋى مۇمكىن ەكەنىن ايتتى.

«سوندىقتان مەن بەرە الاتىن ەڭ جاقسى كەڭەس - تاراقانعا قارسى قۇرالداردى وندىرۋشىدەن تىكەلەي ساتىپ الۋ»، - دەدى عالىم.

سوڭعى جاڭالىقتار