پاتەرىن جالعا بەرەتىندەر نەنى ءبىلۋى كەرەك؟

استانا. قازاقپارات - قازاقستاندا تۇرعىن ءۇي مەن وزگە دە جىلجىمايتىن مۇلىكتى جالعا بەرەتىن ازاماتتار 2026-جىلعى 1-ناۋرىزعا دەيىن سالىق رەجيمىن ناقتى تاڭداۋى ءتيىس. ايتپەسە قىزمەتتى جالعاستىرۋعا تىيىم سالىنۋى نەمەسە سالىق مولشەرى 2-3 پايىزدان 10 پايىزعا دەيىن ءوسۋى مۇمكىن، دەپ حابارلايدى El.kz ينتەرنەت پورتالى.

2026-جىلعى 1-قاڭتاردان باستاپ ەلدە جاڭا سالىق رەجيمدەرى كۇشىنە ەندى. ولار ءوزىن-ءوزى جۇمىسپەن قامتىعاندارعا جانە جەڭىلدەتىلگەن دەكلاراتسيامەن جۇمىس ىستەيتىندەرگە ارنالعان.

مەملەكەتتىك كىرىستەر كوميتەتىنىڭ (م ك ك) مالىمەتىنشە، وسى رەجيمدەردى پايدالانعىسى كەلەتىندەر ءبىرقاتار مىندەتتى ارەكەتتى دەر كەزىندە ورىنداۋى قاجەت.

جەڭىلدەتىلگەن دەكلاراتسيا

سالىق مولشەرى: 2-3 پايىز

شارتتارى:

جەكە كاسىپكەر (ج ك) بولۋى كەرەك؛

جىلدىق تابىسى 600000 ا ە ك- تەن اسپاۋى ءتيىس

(2026-جىلى بۇل - 2595000000 تەڭگە)؛

قىزمەت ءتۇرى تىيىم سالىنعان تىزىمگە كىرمەۋى كەرەك؛

قىمبات تۇرعىن ءۇيدى جانە تۇرعىن ەمەس نىسانداردى (پاركينگ، قويما، گاراج) جالعا بەرۋگە جارامدى.

ايتا كەتەرلىگى، 2026-جىلى 1 ا ە ك كولەمى 4325 تەڭگەگە تەڭ.

جەڭىلدەتىلگەن دەكلاراتسيامەن جۇمىس ىستەگىسى كەلەتىندەر 1-ناۋرىزعا دەيىن ونى قولدانۋ تۋرالى مىندەتتى تۇردە حابارلاما تاپسىرۋى ءتيىس.

ەگەر حابارلاما بەرىلمەسە، سالىق ورگاندارى ج ك- نى اۆتوماتتى تۇردە جالپىعا بىردەي رەجيمگە اۋىستىرادى، ال بۇل جاعدايدا سالىق مولشەرى 10 پايىز بولادى.

حابارلامانى قايدا تاپسىرۋعا بولادى:

سالىق تولەۋشىنىڭ كابينەتى؛

E- Salyq Business؛

Kaspi جانە Halyk قوسىمشالارى؛

سالىق ورگانىنا جەكە بارۋ ارقىلى.

ءوزىن-ءوزى جۇمىسپەن قامتىعاندار

سالىق: 0 پايىز

تولەم: 4 پايىز (الەۋمەتتىك اۋدارىمدار)

شارتتارى:

ج ك اشپاي، جەكە تۇلعا رەتىندە جۇمىس ىستەۋ؛

ايلىق تابىس 300 ا ە ك- تەن اسپاۋى ءتيىس

(2026-جىلى - 1297500 تەڭگە)؛

تەك رۇقسات ەتىلگەن قىزمەت تۇرلەرى؛

تەك ءوزىنىڭ تۇرعىن ءۇيىن (پاتەر، ءۇي) جالعا بەرۋ.

ماڭىزدى

ەگەر بۇرىن پاتەنتپەن نەمەسە e-Salyq Azamat ارقىلى ج ك رەتىندە جۇمىس ىستەگەن بولساڭىز، ءوز-ءوزىڭىزدى جۇمىسپەن قامتاماسىز ەتەتىن جەكە كاسىپكەرلىكتى جابۋ قاجەت. ءبىر مەزەتتە ءارى ج ك، ءارى ءوزىن-ءوزى قامتاماسىز ەتەتىن كاتەگورياعا ەنۋگە بولمايدى.

ەشقانداي ارەكەت جاسالماسا، 2026-جىلعى 1-ناۋرىزدان كەيىن سالىق ورگاندارى ج ك- نى وزدىگىنەن جاۋىپ، ەسەپتەن شىعارادى. سوندىقتان ساراپشىلار ج ك- نى الدىن الا جابۋعا كەڭەس بەرەدى.

قاي رەجيم كىمگە ءتيىمدى؟

ەكى رەجيم دە جالعا بەرۋ قىزمەتىنە جارامدى، ءبىراق ايىرماشىلىقتارى بار:

ءوزىن-ءوزى جۇمىسپەن قامتىعاندار:

تەك تۇرعىن ءۇيدى جالعا بەرە الادى؛

سالىق جوق، تەك 4 پايىز الەۋمەتتىك تولەم؛

قازىرگى شىعىن از، ءبىراق بولاشاقتا زەينەتاقى مەن الەۋمەتتىك تولەمدەرگە اسەر ەتۋى مۇمكىن.

جەڭىلدەتىلگەن دەكلاراتسيا:

تۇرعىن ەمەس نىسانداردى (گاراج، پاركينگ، قويما) جالعا بەرۋگە مۇمكىندىك بەرەدى؛

2-3 پايىز سالىق جانە الەۋمەتتىك اۋدارىمدار بار؛

جك الەۋمەتتىك تولەمدەردى ەڭ تومەنگى جالاقىدان نەمەسە تولىق تابىستان ەسەپتەي الادى، بۇل دا بولاشاق الەۋمەتتىك تولەمدەرگە ىقپال ەتەدى.

ءوزىن-ءوزى جۇمىسپەن قامتاماسىز ەتۋ رەجيمى كىمدەرگە ارنالعان؟

2026-جىلعى 1-قاڭتاردان باستاپ كۇشىنە ەنگەن جاڭا رەجيم مىنا تالاپتارعا ساي كەلەتىندەرگە ارنالعان:

ايلىق تابىس 300 ا ە ك- تەن اسپايدى؛

قىزمەت ءتۇرى رۇقسات ەتىلگەن تىزىمدە؛

جالدامالى قىزمەتكەرلەرى جوق؛

جەكە تابىس سالىعى - 0 پايىز، الەۋمەتتىك تولەم - 4 پايىز.

بۇل رەجيمدى پايدالانا الاتىندار ءتىزىمى:

پاتەر جالعا بەرۋشىلەر؛

تاكسي جۇرگىزۋشىلەرى مەن كۋرەرلەر؛

سۇلۋلىق سالاسىنىڭ ماماندارى؛

فوتوگرافتار، رەپەتيتورلار، اۋدارماشىلار؛

ۆەتەرينارلار جانە وزگە دە جەكە قىزمەت كورسەتۋشىلەر.

مىسال:

ەگەر پاتەردى ايىنا 1 ميلليون تەڭگەگە جالعا بەرسەڭىز، 4 پايىز الەۋمەتتىك تولەم 40000 تەڭگەنى قۇرايدى.