اتاقتى ادامدار نەدەن قورقادى؟
ادام بويىنداعى ءبىر نارسەدەن قورقۋ، عىلىمدا «فوبيا» دەپ اتالادى. فوبيا كەز-كەلگەن زاتقا، نە جانۋارعا بولۋى مۇمكىن. ول قويانعا، مىسىققا دەگەن فوبيا، قاراڭعىلىقتان دەگەن فوبيا. الايدا مىناداي فوبيا ءتۇرىن ەستىگەنىڭىز بار ما؟ سۋرەتكە تۇسۋدەن قورقۋ.
بۇگىن دوسىمنان بالا كەزىندە سۋرەتكە تۇسۋدەن فوبياسى بار ەكەنىن ءبىلدىم. ءسويتىپ اتاقتى ادامدار نەدەن قورقاتىنىن بىلگىم كەلىپ، ءبىراز قىزىقتارعا تاپ بولدىم. سول اقپاراتتاردى سىزدەرمەن دە بولىسە وتىرايىن!
امەريكانىڭ ءبىرىنشى پرەزيدەنتى دجوردج ۆاشينگتون تىرىدەي كومىلۋدەن قاتتى قورىققان.
ورىستىڭ ۇلى اقىنى پۋشكين قوياننان قورىققان.
ستاليننىڭ دە وسال تۇسى بولعان. ول ۋلانۋدان ءارى اۋەدە ۇشۋدان قورىققان.
ال بالالارعا «ميككي ماۋس جانە ونىڭ دوستارى» اتتى تىشقاندار تۋرالى قىزىقتى مۋلتفيلمىن سىيلاعان مۋلتيپليكاتور ۋولت ەلاياس ديسنەي تىشقاننان قاتتى قورىققان ەكەن.
گولليۆۋد اكتەرلەرى برەد پيت، توم كرۋز، سكارلەت يوحانسون، ءتىپتى «ورمەكشى ادام» فيلمىندە باستى رولدە ويناعان توبي ماگۋايەر بۇيىدەن، ورمەكشىنىڭ باسقا دا تۇرلەرىنەن قورقادى ەكەن.
مىسىق يۋلي سەزار، يمپەراتور ناپولەون بوناپارت، گيتلەر، مۋسسوليني سەكىلدى تالاي باسشىنىڭ دا مىسىن باسقان.
فرانسۋز جازۋشىسى ونورە دە بالزاك ۇيلەنۋدەن قورىققان. تالاي جىل وتاۋ قۇرۋدان باس تارتىپ، تالاي جاسقا جەتكەنشە جۇرە بەرگەن جازۋشى، ايتەۋىر ۇيلەنۋگە كەلىسىم بەرەدى. ءبىراق شاڭىراق كوتەرگەن سوڭ كوپ ۇزاماي، ياعني بەس ايدان سوڭ دۇنيەدەن وزعان.
امەريكالىق ءارتىس ءانشى جانە XX عاسىردىڭ تانىمال مودەلى بولعان, ءوزىنىڭ كوپتەگەن فيلمدەرگە تۇسكەنىمەن جانە امەريكانىڭ ەڭ ادەمى ايەل بولۋىمەن بەلگىلى مەريلين مونرو-ساحنادان قورىققان ەكەن.
ال مايكل دجەكسون، ادولف گيتلەر ينفەكسيا جۇقتىرىپ الۋدان قورىققاندارى سونشا، ەسىكتىڭ تۇتقاسىن، قۇجاتتاردى، قالامساپتى جالاڭاش قولمەن ۇستاۋدان جيىركەنىپ، قولدارىنا قولعاپ كيىپ الاتىن بولعان ەكەن.
اتاقتى سۋرەتشى ميحايل ۆرۋبەي-سۇلۋ قىزداردان قورىققان.
ال 1 - پەتر كەڭ ءارى بيىك ۇيلەردە تۇرۋدان سەسكەنگەن. ونىڭ ءۇيىنىڭ بولمەلەرى تار، توبەسى الاسا كەلگەن. ايگىلى ەيفەل مۇناراسىن تۇرعىزعان گيۋستاۆ ەيفەل بيىكتىكتى ۇناتپاعان.
