اپتاپ ىستىقتا باسقا كۇن وتۋدەن قالاي ساقتانۋ كەرەك

وسكەمەن. KAZINFORM - شىعىس قازاقستان وبلىسىنىڭ قۇتقارۋشىلارى اپتاپ ىستىقتا باسقا كۇن وتۋدەن قالاي ساقتانۋ كەرەكتىگىن ءتۇسىندىردى.

وڭىردە 5 -شىلدەدە كۇن ىسيدى. «كازگيدرومەت» ر م ك مالىمەتىنشە، وبلىس اۋماعىندا +33 پەن +38، ال وڭتۇستىك بولىگىندە +42 گرادۋسقا دەيىن ىستىق بولادى.

وسىنداي اپتاپ ىستىقتا باستان كۇن ءوتۋ ءقاۋپى ارتادى. بۇل ەڭ الدىمەن بالالارعا، قارتتارعا، سوزىلمالى اۋرۋى بار ادامدارعا اسا قاۋىپتى.

- كۇن ءوتۋ بەلگىلەرىنە السىزدىك، باستىڭ اينالۋى مەن اۋىرسىنۋى، جۇرەك اينۋ، قۇسۋ، تەرىنىڭ قىزارۋى، قۇرعاۋى، جۇرەكتىڭ ءجيى سوعۋى جاتادى. سوندىقتان تۇرعىنداردان قاۋىپسىزدىكتى قاپەردەن شىعارماۋدى سۇرايمىز، - دەپ حابارلادى ش ق و توتەنشە جاعدايلار دەپارتامەنتىنەن.

قۇتقارۋشىلار ىستىقتا باسقا كۇن وتۋدەن ساقتانۋ ءۇشىن كەلىسىدەي كەڭەستەر بەردى:

- ساعات 11:00 مەن 17:00 ارالىعىندا كۇن استىندا جۇرمەۋگە تىرىسىڭىز؛

- اشىق ءتۇستى، جەڭىل كيىم مەن باس كيىم كيىڭىز؛

- تاۋلىك بويى جەتكىلىكتى مولشەردە ءسۋ ىشىپ ءجۇرىڭىز؛

- كۇن ىسىعان كەزدە اۋىر دەنە جاتتىعۋلارىنان باس تارتىڭىز؛

- كۇننەن قورعايتىن قۇرالداردى قولدانىڭىز.

ەسكە سالساق، وسىعان دەيىن فرانسيادا اپتاپ ىستىقتان ەكى ادام قازا بولعانى حابارلانعان.