اپتاپ ىستىق، جاڭبىر: اۋا رايىنا بايلانىستى بىرنەشە وڭىردە ەسكەرتۋ جاريالاندى

استانا. KAZINFORM - ەلىمىزدىڭ بىرنەشە وبلىسىندا قاتتى ىستىق پەن جاۋىن-شاشىنعا بايلانىستى داۋىلدى ەسكەرتۋ جاريالاندى. بۇل تۋرالى «قازگيدرومەت» ر م ك حابارلادى.

سينوپتيكتەردىڭ بولجامى بويىنشا، 7-شىلدەدە تۇندە ۇلىتاۋ وبلىسىنىڭ شىعىسىندا نايزاعاي وينايدى. كۇندىز وبلىستىڭ شىعىسىندا نوسەر جاڭبىر، بۇرشاق جاۋادى، نايزاعاي ويناپ، داۋىل تۇرادى. تۇندە جانە تاڭەرتەڭ وبلىستىڭ شىعىسىندا تۇمان تۇسەدى. وبلىس بويىنشا توتەنشە (5 كلاسس) ءورت قاۋپى ساقتالادى.

قاراعاندى وبلىسىندا نايزاعاي وينايدى. وبلىستىڭ ورتالىعىندا، وڭتۇستىگىندە نوسەر جاڭبىر، بۇرشاق جاۋادى، داۋىل تۇرادى. تۇندە جانە تاڭەرتەڭ وبلىستىڭ سولتۇستىگىندە، شىعىسىندا، ورتالىعىندا تۇمان تۇسەدى. وبلىستىڭ وڭتۇستىگىندە توتەنشە (5 كلاسس) ءورت قاۋپى ساقتالادى.

جەتىسۋ وبلىسىنىڭ شىعىسىندا وڭتۇستىك- شىعىستان جەل سوعادى، ەكپىنى 15-20 م/س.

7-شىلدەدە كۇندىز پاۆلودار وبلىسىنىڭ سولتۇستىگىندە، باتىسىندا، وڭتۇستىگىندە نوسەر جاڭبىر، بۇرشاق جاۋادى. وبلىستىڭ سولتۇستىگىندە، باتىسىندا، وڭتۇستىگىندە نايزاعاي وينايدى. سولتۇستىك- شىعىستان جەل سوعادى، كۇندىز وبلىستىڭ سولتۇستىگىندە، باتىسىندا، وڭتۇستىگىندە ەكپىنى 15-20 م/س بولادى.

ماڭعىستاۋ وبلىسىنىڭ سولتۇستىك- شىعىسىندا نايزاعاي وينايدى. 7-8 شىلدەدە كۇندىز وبلىستىڭ باسىم بولىگىندە 37-42 گرادۋس قاتتى ىستىق ساقتالادى.

تۇندە قوستاناي وبلىسىنىڭ شىعىسىندا، وڭتۇستىگىندە نايزاعاي وينايدى. وبلىستىڭ سولتۇستىگىندە بۇرشاق جاۋىپ، داۋىل تۇرادى. سولتۇستىكتەن، سولتۇستىك- شىعىستان جەل سوعادى، تاڭەرتەڭ جانە كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س بولادى.

اتىراۋ وبلىسىنىڭ باتىسىندا، وڭتۇستىگىندە، ورتالىعىندا نايزاعاي وينايدى. سولتۇستىكتەن، سولتۇستىك-شىعىستان جەل سوعادى، كۇندىز وبلىستىڭ سولتۇستىگىندە ەكپىنى 15-20 م/س. كۇندىز وبلىس بويىنشا 35-39 گرادۋس قاتتى ىستىق ساقتالادى.

7-شىلدەدە تاڭەرتەڭ جانە كۇندىز الماتى وبلىسىنىڭ سولتۇستىگىندە، وڭتۇستىگىندە، تاۋلى اۋداندارىندا كەي ۋاقىتتا نايزاعاي ويناپ، بۇرشاق جاۋادى. وڭتۇستىك- شىعىستان سوعاتىن جەل باتىس باعىتقا اۋىسادى. وبلىستىڭ سولتۇستىگىندە، وڭتۇستىگىندە، تاۋلى اۋداندارىندا ەكپىنى 15-20 م/س بولادى.

الماتى قالاسىندا 7-شىلدەدە تاڭەرتەڭ جانە كۇندىز نايزاعاي وينايدى. باتىستان جەل سوعادى، نايزاعاي كەزىندە ەكپىنى 15 م/س.

كۇندىز اقمولا وبلىسىنىڭ سولتۇستىگىندە، شىعىسىندا نوسەر جاڭبىر، بۇرشاق جاۋىپ، داۋىل تۇرادى. وبلىستىڭ باسىم بولىگىندە نايزاعاي وينايدى. تۇندە جانە تاڭەرتەڭ وبلىستىڭ باتىسىندا، سولتۇستىگىندە، شىعىسىندا تۇمان تۇسەدى. سولتۇستىك- شىعىستان، سولتۇستىكتەن جەل سوعادى، تاڭەرتەڭ جانە كۇندىز وبلىستىڭ سولتۇستىگىندە، شىعىسىندا ەكپىنى 15-20 م/س بولادى.

باتىس قازاقستان وبلىسىنىڭ باتىسىندا، سولتۇستىگىندە، وڭتۇستىگىندە نايزاعاي وينايدى. جەل سولتۇستىكتەن، سولتۇستىك- شىعىستان سوعادى. كۇندىز وبلىستىڭ باتىسىندا، سولتۇستىگىندە، وڭتۇستىگىندە ەكپىنى 15-20 م/س بولادى. كۇندىز وبلىس بويىنشا 35-38 گرادۋس قاتتى ىستىق ساقتالادى. وبلىستىڭ سولتۇستىك- باتىسىندا، سولتۇستىگىندە، وڭتۇستىگىندە جوعارى ءورت قاۋپى بار.

تۇندە اقتوبە وبلىسىنىڭ باتىسىندا، وڭتۇستىگىندە نايزاعاي وينايدى. سولتۇستىك- شىعىستان جەل سوعادى، نايزاعاي كەزىندە ەكپىنى 15-20 م/س. كۇندىز وبلىستىڭ باتىسىندا 36 گرادۋس قاتتى ىستىق ساقتالادى.

جامبىل وبلىسىنىڭ سولتۇستىگىندە نايزاعاي، كۇندىز باتىسىندا، سولتۇستىگىندە، وڭتۇستىگىندە، تاۋلى اۋداندارىندا نايزاعاي، بۇرشاق، داۋىل بولادى. ونتۇستىك- باتىستان جەل سوعادى، وبلىستىڭ وڭتۇستىك- باتىسىندا، سولتۇستىك- شىعىسىندا، تاۋلى اۋدانداردا 15-20، كۇندىز ەكپىنى 23 م/س. كۇندىز سولتۇستىك قازاقستان وبلىسىنىڭ سولتۇستىگىندە، وڭتۇستىگىندە، شىعىسىندا نايزاعاي ويناپ، بۇرشاق جاۋادى، داۋىل تۇرادى. سولتۇستىك- باتىستان جەل سوعادى، كۇندىز وبلىستىڭ باتىسىندا، سولتۇستىگىندە، وڭتۇستىگىندە ەكپىنى 15-20 م/س.

تاڭەرتەڭ جانە كۇندىز تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا نايزاعاي وينايدى. سولتۇستىك- باتىستان جەل سوعادى. تاڭەرتەڭ جانە كۇندىز وبلىستىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا كۇشى 15-20 م/س بولادى.

شىمكەنتتە كۇندىز نايزاعاي وينايدى. سولتۇستىك- باتىستان جەل سوعادى، كۇندىز ەكپىنى 15-20 م/س جەتەدى.

قىزىلوردا وبلىسىندا جەل سولتۇستىكتەن سوعادى، كۇندىز وبلىستىڭ ورتالىعىندا كۇشى 15-20 م/س بولادى.

اباي وبلىسىنىڭ باتىسىندا، سولتۇستىگىندە، ورتالىعىندا كەي ۋاقىتتاردا نوسەر جاڭبىر جاۋىپ، نايزاعاي وينايدى. وڭتۇستىك- شىعىستان سوعاتىن جەل وڭتۇستىك- باتىسقا اۋىسادى، كۇندىز وبلىستىڭ سولتۇستىگىندە، ورتالىعىندا 15-20، ەكپىنى 23 م/س.

شىعىس قازاقستان وبلىسىنىڭ سولتۇستىگىندە، شىعىسىندا نايزاعاي جارقىلدايدى. وبلىستىڭ سولتۇستىگىندە، شىعىسىندا نوسەر جاڭبىر، بۇرشاق جاۋىپ، داۋىل تۇرادى. وڭتۇستىك- شىعىستان سوعاتىن جەل وڭتۇستىك- باتىسقا اۋىسادى. كۇندىز وبلىستىڭ باتىسىندا، سولتۇستىگىندە، شىعىسىندا 15-20، ەكپىنى 23 م/س بولادى.