اپتاپ ىستىق، جاڭبىر: 26-شىلدەگە ارنالعان اۋا رايى بولجامى

استانا. KAZINFORM - سيكلوننىڭ جانە ونىمەن بايلانىستى اتموسفەرالىق فرونتالدى بولىكتەردىڭ اسەرىنەن 26-شىلدەدە رەسپۋبليكانىڭ باسىم بولىگىندە اۋا رايى قۇبىلمالى بولادى.

رەسپۋبليكانىڭ باسىم بولىگىندە جاڭبىر جاۋىپ، نايزاعاي ويناپ، بۇرشاق جاۋىپ، ەكپىندى جەل سوعادى. قازگيدرومەت سينوپتيكتەرىنىڭ بولجامىنشا، رەسپۋبليكانىڭ سولتۇستىك-باتىسىندا جانە سولتۇستىگىندە نوسەر جاڭبىر جاۋادى.

ەلىمىزدىڭ سولتۇستىگىندە تۇندە جانە تاڭەرتەڭ تۇمان تۇسەدى.

كۇندىز جامبىل، الماتى، تۇركىستان وبلىستارىندا، جەتىسۋ، اباي، ۇلىتاۋ وبلىستارىندا، قاراعاندى ​​وبلىسىنىڭ وڭتۇستىگىندە، پاۆلودار وبلىسىندا قاتتى ىستىق بولادى.

الماتى وبلىسىنىڭ ورتالىعىندا، سولتۇستىگىندە، وڭتۇستىگىندە، جەتىسۋ وبلىسىنىڭ ورتالىعىندا، تۇركىستان وبلىسىنىڭ ءشولدى ايماقتارىندا، جامبىل وبلىسىنىڭ باتىسىندا كۇن قاتتى ىسيدى.

قىزىلوردا، تۇركىستان وبلىستارىندا، اتىراۋدىڭ وڭتۇستىگىندە، باتىس قازاقستاننىڭ وڭتۇستىگىندە، قاراعاندىنىڭ سولتۇستىك-باتىسىندا، جامبىلدىڭ وڭتۇستىك-شىعىسىندا، باتىسىندا، الماتىنىڭ وڭتۇستىگىندە، وڭتۇستىك-باتىسىندا، اقتوبەنىڭ وڭتۇستىگىندە، شىعىس قازاقستاننىڭ وڭتۇستىگىندە، اباي وبلىسىنىڭ ورتالىعىندا، ۇلىتاۋ وبلىسىنىڭ وڭتۇستىگىندە جوعارى ءورت قاۋپى بار.

ماڭعىستاۋدا، اتىراۋدىڭ شىعىس بولىگىندە، قوستانايدىڭ وڭتۇستىگىندە، تۇركىستاننىڭ ءشولدى ايماقتارىندا، قىزىلوردا وبلىسىنىڭ وڭتۇستىگىندە توتەنشە ءورت قاۋپى ساقتالادى.

اۆتور

ەلميرا ورالبايەۆا