اپتاپ ىستىق، جاڭبىر: 24-26-شىلدە ارالىعىنداعى اۋا رايى بولجامى

استانا. KAZINFORM - سينوپتيكتەر 24-26-شىلدە ارالىعىنداعى اۋا رايى بولجامىن جاريالادى.

«قازگيدرومەت» ر م ك مالىمەتىنشە، الداعى ءۇش تاۋلىكتە قازاقستان اۋماعى ارقىلى بەلسەندى تسيكلون جىلجيدى. وسىعان بايلانىستى كۇن كۇركىرەپ، جاڭبىر جاۋادى. باتىستا، سولتۇستىكتە، رەسپۋبليكانىڭ ورتالىعىندا نوسەر جاڭبىر، بۇرشاق جاۋۋى مۇمكىن.

ەلىمىزدىڭ شىعىسىندا، وڭتۇستىك- شىعىسىندا اۋا رايى نەگىزىنەن جاۋىن-شاشىنسىز بولادى. رەسپۋبليكا بويىنشا جەل كۇشەيەدى، وڭتۇستىكتە شاڭدى داۋىل سوعادى.

25-26-شىلدەدە كۇندىز الماتى وبلىسىنىڭ باتىسىندا، سولتۇستىگىندە 42 گرادۋس اپتاپ ىستىق بولادى.

24-شىلدەدە كۇندىز ەلىمىزدىڭ باتىسىندا، وڭتۇستىك- باتىسىندا، سولتۇستىك-باتىسىندا 35-38 گرادۋس ىستىق بولادى.

24-25-شىلدەدە رەسپۋبليكا ورتالىعىندا 35-38 گرادۋس، وڭتۇستىكتە 40-42 گرادۋس، 24-26-شىلدەدە وڭتۇستىك-شىعىستا 35-39 گرادۋس، 25-26 شىلدەدە شىعىستا 35-38 گرادۋس، 26-شىلدەدە سولتۇستىكتە 35 گرادۋس ىستىق بولادى.

ايتا كەتەيىك، الەم ەلدەرىندە اپتاپ ىستىق كۇشەيىپ بارادى.