اپتاپ ىستىق، شاڭدى داۋىل، بۇرشاق: 8 - مامىر كۇنى اۋا رايى قانداي بولادى

استانا. KAZINFORM — «قازگيدرومەت» ر م ك سينوپتيكتەرى 8 - مامىرعا ارنالعان اۋا رايى بولجامىن جاريالادى.

سينوپتيكتەردىڭ بولجامىنا سەنسەك، رەسپۋبليكامىزدىڭ شىعىسىندا عانا جاۋىن-شاشىنسىز اۋا رايى كۇتىلەدى.

- وڭتۇستىك سيكلوننىڭ جۇرۋىنە بايلانىستى قازاقستان اۋماعىنىڭ باسىم بولىگىندە اۋا رايىنىڭ تۇراقسىز سيپاتى كۇتىلەدى: نايزاعاي ويناپ، بۇرشاق جاۋادى، سولتۇستىك- باتىس وڭىردە نوسەر جاڭبىر بولادى… رەسپۋبليكامىز بويىنشا ورتاق تابيعي قۇبىلىس - جەلدىڭ كۇشەيۋى، ەلىمىزدىڭ وڭتۇستىگىندە شاڭدى داۋىل تۇرادى دەپ بولجانادى. تۇندە جانە تاڭەرتەڭ ەلىمىزدىڭ سولتۇستىگىندە، سولتۇستىك- باتىسىندا تۇمان تۇسەدى. كۇندىز الماتى، جامبىل وبلىستارىنىڭ وڭتۇستىك- باتىسىندا قاتتى ىستىق بولادى، - دەپ حابارلادى «قازگيدرومەت» ر م ك.