اسپيريندى نەلىكتەن بالالارعا بەرۋگە بولمايدى؟

رەسەيلىك تەراپەۆت دارىگەر يرينا يارسەۆا 12 جاسقا دەيىنگى بالالارعا اسپيرين تەك تۇماۋ كەزىندە عانا ەمەس، كەز كەلگەن باسقا اۋرۋ تۇرىندە دە قارسى كورسەتىلگەنىن ايتتى، دەپ حابارلادى turkystan.kz.

يممۋنولوگتىڭ ايتۋىنشا، اسپيرين قۇرامىنداعى اسەتيلساليتسيل قىشقىلى ۆيرۋستىق ينفەكسيامەن بىرگە قابىلدانسا، بالادا رەيە سيندرومىن تۋدىرۋى مۇمكىن.

«رەيە سيندرومى كەزىندە باۋىر زاقىمدانادى. بۇل - سيرەك كەزدەسەتىن، ءبىراق وتە ءقاۋىپتى اۋرۋ. ول ميدى دا زاقىمدايدى، كەيدە ءتىپتى ولىمگە اكەلۋى مۇمكىن»، - دەدى يارتسەۆا.

دارىگەر بالالارعا اسپيريننىڭ ورنىنا پاراتسەتامول نەمەسە يبۋپروفەن سياقتى دارىلەر ۇسىنادى. ولار دەنە قىزۋىن ءتۇسىرىپ، اۋىرسىنۋدى قاۋىپسىز تۇردە باسا الادى.

رەيە سيندرومىنىڭ باستاپقى بەلگىلەرى قانداي؟

 . قۇسۋ (بىرنەشە رەت توقتاماي قۇسۋ)؛
 . السىزدىك، شارشاۋ؛
 . ۇيقىشىلدىق نەمەسە كەرىسىنشە - مازاسىزدانۋ؛
 . تىنىشسىز مىنەز-قۇلىق (اگرەسسيا)؛
 . تىنىس الۋدىڭ بۇزىلۋى؛
 . قۇرىسۋ (سۋدوروگي)؛
 .  سانانىڭ شاتاسۋى، ەسىنەن تانۋ.
نەلىكتەن قاۋىپتى؟

 . بۇگىن جەڭىل بەلگىلەر بولسا، ەرتەڭ-اق بالا ەسىن جوعالتۋى مۇمكىن. اتا-انالار مەن ءتىپتى كەيبىر دارىگەرلەر دە العاشقى بەلگىلەرىن باسقا  اۋرۋلارمەن شاتاستىرىپ قالۋى مۇمكىن.
 . دياگنوز قويۋ قيىن. سەبەبى باۋىر زاقىمدالسا دا، ادەتتەگى سارى اۋرۋ سياقتى كورىنبەيدى. بالانىڭ تەرىسى سارعايمايدى، سول سەبەپتى دەر كەزىندە تانۋ قيىن.
 . كەي ناۋقاستاردىڭ ەستە ساقتاۋ، سويلەۋ، قوزعالۋ قابىلەتتەرى بۇزىلۋى مۇمكىن.
الدىن الۋ جولى:

 . 12- 16 جاسقا دەيىنگى بالالارعا اسپيرين بەرمەۋ.
 . دەنە قىزۋى كوتەرىلگەن جاعدايدا پاراتسەتامول نەمەسە يبۋپروفەن قولدانۋ.
 . ۆيرۋستىق اۋرۋ كەزىندە بالانىڭ جاعدايىن مۇقيات باقىلاۋ.