اۋستريا كانسلەرى وتستاۆكاعا كەتەتىنىن مالىمدەدى

استانا. KAZINFORM - كارل نەحاممەر اۋستريانىڭ كونسەرۆاتيۆتى حالىق پارتياسى (ا ح پ) مەن سوتسيال-دەموكراتيالىق پارتياسى (ا س د پ) اراسىنداعى كواليتسيالىق كەلىسسوزدەردىڭ ءساتسىز اياقتالعانىن ءمالىم ەتتى، دەپ حابارلايدى Kazinform DW اقپارات اگەنتتىگىنە سىلتەمە جاساپ.

اۋستريا كانسلەرى كارل نەحاممەر وتستاۆكاعا كەتەتىنىن مالىمدەدى.

- ءبىز ۇزاق جانە شىنايى كەلىسسوزدەر جۇرگىزدىك. ا س پ د-مەن نەگىزگى ماسەلەلەر بويىنشا كەلىسۋ مۇمكىن ەمەس. حالىق پارتياسى ءوز ۋادەلەرىنە بەرىك. ءبىز الەۋمەتتىك جەڭىلدىكتەر مەن بيزنەسكە باعىتتالعان شارالارعا، سونداي-اق جاڭا سالىقتاردى ەنگىزۋگە كەلىسپەيمىز، - دەدى نەحاممەر.

ول ا س د پ-مەن كەلىسسوزدەردى توقتاتىپ جاتقانىن جانە ونى جالعاستىرمايتىنىن اتاپ ءوتتى.

- فەدەرالدىق كانسلەر، سونداي-اق حالىق پارتياسىنىڭ ءتوراعاسى رەتىندە مەن جاقىن كۇندەرى كەتەمىن، - دەپ اتاپ ءوتتى مينيسترلەر كابينەتىنىڭ باسشىسى.

Reuters اگەنتتىگىنىڭ حابارلاۋىنشا، اۋستريادا جاڭا پارلامەنت سايلاۋى جوسپارلانۋى مۇمكىن.

جەلتوقساندا بۋندەستاگ دەپۋتاتتارىنىڭ كوپشىلىگى ولاف شولتس ۇكىمەتىنە سەنىمسىزدىك ۆوتۋمىن قولدادى.

اقپان ايىندا وندا جاڭا سايلاۋ وتەدى.

اۆتور

زارينا تۋعانبايەۆا