اۆسترالياداعى راديو جۇرگىزۋشىسى جاساندى ينتەللەكت ارقىلى جاسالعان

استانا. KAZINFORM - اۆستراليالىق راديوستانسيادا حاباردى جارتى جىل بويى جاساندى ينتەللەكت ارقىلى جاسالعان جۇرگىزۋشى جۇرگىزىپ كەلگەن. جەرگىلىكتى ب ا ق وكىلدەرىنىڭ حابارلاۋىنشا، بۇنى ەشكىم بايقاماعان، دەپ حابارلايدى The Verge.

Workdays with Thy مۋزىكالىق شوۋى حيپ-حوپ، R- B جانە پوپ-مۋزىكانىڭ ءتورت ساعاتتىق ميكسى جانە وندا تاي (Thy) ەسىمدى جەرگىزۋشىنىڭ جاساندى ينتەللەكت ارقىلى جاسالعانى تۋرالى ايتىلمايدى.

Workdays with Thy باعدارلاماسى CADA راديوستانسياسىنان ەفيرگە شىعادى. ونىڭ يەسى ARN Media كومپانياسى Financial Review-كە تايدىڭ جاسانى ينتەللەكت ارقىلى جاسالعانىن، ونىڭ داۋسى مەن كەلبەتى كومپانيانىڭ قارجى ءبولىمى قىزمەتكەرى نەگىزىندە دايىندالعانىن راستادى.

The Carpet-تىڭ حابارلاۋىنشا، جۇرگىزۋشىنىڭ داۋىسىن كەلتىرۋگە ElevenLabs گەنەراتورى قولدانىلعان.

Financial Review-تىڭ حابارلاۋىنشا، Workdays with Thy شوۋى CADA راديوستانسياسى سايتىندا 2024 -جىلدىڭ قاراشاسىندا پايدا بولعان جانە رەيتينگ بويىنشا ول كەمىندە 72 مىڭ ادامدى قامتيدى.

وسىعان دەيىن رەسەيدە جاساندى ينتەللەكت ارقىلى الاياقتار ۇستالعانى تۋرالى جازدىق.