اۋستراليادا بيلىكتىڭ رۇقساتىمەن 700 كوالا اتىلدى
استانا. KAZINFORM — اۋستراليانىڭ ۆيكتوريا شتاتىندا بيلىك 700 دەن استام كوالانى تىكۇشاقتان اتۋعا رۇقسات بەردى. بۇل شەشىم زووقورعاۋشىلار مەن كەيبىر ساياساتكەرلەردىڭ اشۋ-ىزاسىن تۋدىردى، دەپ حابارلايدى Sky News.
ازەرتادج شەتەلدىك ب ا ق- قا سىلتەمە جاساي وتىرىپ حابارلاعانداي، بيلىك وكىلدەرى بۇل شەشىمدى ءماجبۇرلى شارا رەتىندە ءتۇسىندىرىپ وتىر. سەبەبى ناۋرىز ايىندا بولعان ءورت سالدارىنان كوالالار شامامەن 2000 گەكتار وسىمدىكتەر جامىلعىسىنان ايىرىلىپ، ولاردىڭ تابيعي تىرشىلىك ورتاسى، ازىعى مەن سۋى جويىلعان.
ۆيكتوريا شتاتىنىڭ پرەمەر-ءمينيسترى حاسينتا اللاننىڭ ايتۋىنشا، بۇل شەشىم جان-جاقتى ءارى مۇقيات باعالاۋدان كەيىن قابىلدانعان. الايدا زووقورعاۋشىلار بۇل شارامەن كەلىسپەيتىنىن ءبىلدىردى.
كوالالاردى قۇتقارۋ قاۋىمداستىعىنىڭ پرەزيدەنتى دجەسس روبەرتسون كوالالاردى تىكۇشاقتان اتىپ ءولتىرۋ ولاردىڭ جاعدايىن دۇرىس باعالاۋعا مۇمكىندىك بەرمەيدى دەپ ەسەپتەيدى. ونىڭ پىكىرىنشە، بۇل ماسەلەنى شەشۋدىڭ الدەقايدا وڭتايلى جولدارى بار.
سونىمەن قاتار، كوپتەگەن دەپۋتات كوالالار 2022 -جىلدان باستاپ جويىلىپ بارا جاتقان تۇرلەر تىزىمىنە ەنگىزىلگەنىن ەسكە سالدى.
ايتا كەتەلىك اۋستراليادا 150 دەن استام كوساتكا جاعاعا شىعىپ قالعان ەدى.
