استانالىق بالالار قوسشىدان اكەلىنگەن بالىشتەن ۋلانعان
استانا. KAZINFORM - ەلوردادا ءبىر توپ بالا قوسشى قالاسىنداعى كاسىپورىننان الىنعان بالىشتەن ۋلاندى. بۇل تۋرالى اقمولا وبلىسىنىڭ باس سانيتار دارىگەرى ايناگۇل مۋسينا باسپا ءسوز ءماسليحاتىندا ايتتى.
ونىڭ سوزىنشە، جىل باسىنان بەرى اقمولا وبلىسىندا ىشەكتىڭ وتكىر ينفەكتسيالارىمەن اۋىرۋدىڭ 210 جاعدايى تىركەلگەن. بۇل 2023-جىلعى جاعدايمەن سالىستىرعاندا 1,1 ەسە كوپ. نەگىزگى سەبەپتىڭ ءبىرى - جەكە باستىڭ گيگيەناسىن ساقتاماۋ، ءۇي جاعدايىندا ازىرلەنگەن ءسۇت ونىمدەرى مەن جەمىس-جيدەك، كوكونىس جەۋ.
سونداي-اق ول بۋرابايعا دەمالۋعا بارىپ ۋلانعان بالالار تۋرالى دا مالىمەت بەردى.
«جەكە مەنشىك دەمالىس بازاسىندا بالالارعا ساياحات ۇيىمداستىرىلعان. ول جەردە تاماق ىستەپ، ساقتاۋعا ارنالعان ورىن بولماعان. ۋلانۋعا وسى جايت سەبەپ بولعان. قىزمەتكەرلەردىڭ اعزاسىنان ستافيلوكوكك تابىلدى. بالالاردىڭ ءبارى ءۇش كۇننىڭ ىشىندە تاراتىلدى. بالالاردىڭ ءبارى باسقا جاقتان كەلگەن بولىپ شىقتى. ەشبىرى ەمحاناعا جاتقىزىلعان جوق، مامانداندىرىلعان مەديتسينالىق كومەك كورسەتىلدى»، - دەيدى ايناگۇل مۋسينا.
سانيتار دارىگەر قوسشى قالاسىنىڭ كاسىپورىن رۇقسات قاعازى بولماعانىنا قاراماستان استانادا ءبالىش ساتقانىن ايتتى.
«تاماقتان جاپپاي ۋلانۋدىڭ تاعى ءبىر دەرەگى تىركەلدى. قوسشى قالاسىنداعى كاسىپورىن رۇقسات بەرەتىن قۇجاتتارى بولماسا دا «لاكومكا» ءبالىشىن ساتىپ كەلگەن. بالىشتەر ءونىمدى ساقتاۋ ءتارتىبىن ورىنداماستان تاسىمالدانعان. سونىڭ سالدارىنان استانادا 16 بالا ۋلانعان. ۋلانۋ دەرەگى ەلوردادا تىركەلگەنىمەن، كاسىپورىن ءبىزدىڭ وبلىس اۋماعىندا بولعاندىقتان ءبىزدىڭ ستاتيستيكاعا كىرىپ وتىر»، - دەدى وبلىستىڭ باس سانيتار دارىگەرى.
