استانادان شىعاتىن بارلىق جولدار جابىلدى
جاڭبىر، داۋىلدى جەل مەن كوكتايعاققا بايلانىستى استانادان شىعاتىن بارلىق جولدار جابىلدى. قازاقپارات بۇل تۋرالى QazAvtoJol كومپانياسىنا سىلتەمە جاساپ حابارلايدى.
«ەلوردادان شىعاتىن جولدار بارلىق باعىت بويىنشا جابىلدى. جول قىزمەتتەرى كۇشەيتىلگەن رەجيمدە جۇمىس جاساپ جاتىر»، - دەلىنگەن مالىمەتتە.
City Transportation Systems كومپانياسىنىڭ اقپاراتىنا سايكەس، جولداردىڭ جابىلۋىنا بايلانىستى استانا ماڭىنداعى ەلدى مەكەندەرگە قاتىنايتىن بارلىق اۆتوبۋستار قوزعالىسىن توقتاتتى. بۇعان دەيىن 6 باعدار لينيادان الىنعانى تۋرالى ءمالىم ەتىلگەن ەدى.
بۇعان دەيىن حابارلاعانىمىزداي، اۋا رايىنىڭ ناشارلاۋىنان تاڭەرتەڭ 3 وڭىردە 8 جول ۋچاسكەسى جابىلدى. كەيىن رەسپۋبليكالىق ماڭىزى بار تاعى 3 جولدا قوزعالىسقا تىيىم سالىندى.
"قازگيدرومەت" ر م ك 22-قاراشادا كۇن رايىنىڭ بۇزىلۋىنا بايلانىستى 16 وڭىردە ەسكەرتۋ جاريالاعان بولاتىن.
