استاناداعى قوناق ءۇيدىڭ باسسەينىندە جاراقات العان ايەلگە وتەماقى تولەنەدى

Түркістан облысында 934 жұмысшыға өтемақыны төленбеген – прокуратура
Фото: Kazinform

استانا. KAZINFORM - استانا قالاسىنىڭ ازاماتتىق ىستەر جونىندەگى اۋدانارالىق سوتىنا جۇگىنگەن ايەل ەلورداداعى ءىرى ج ش س- نە (قوناق ءۇي) قاتىستى ارىز ءتۇسىرىپ، جوعالتقان تابىسىن، ماتەريالدىق شىعىندى ءوندىرۋ جانە مورالدىق زياندى وتەۋ تۋرالى تالاپ قويعان. اقىرى ول 1 ميلليون 310 مىڭ تەڭگە وتەماقىنى ءوندىرىپ الدى.

باسسەيننىڭ جۇمىسىن قوناق ءۇي قىزمەتتەرىن كورسەتەتىن ج ش س جۇزەگە اسىراتىنىن اتاپ وتكەن ءجون.

قوناق ءۇي باسسەينىندە جاراقات العان ايەلدىڭ سان سۇيەگى سىنعان. ول جاراقات العان ساتتەن باستاپ، ۇزاق ۋاقىت ەمدەلگەن. وعان ۋاقىتشا ەڭبەككە جارامسىزدىق پاراعى اشىلعان.

ق ر س ت 2985-2017 «حاۋىز قىزمەتتەرى» حالىققا قىزمەت كورسەتۋدىڭ ۇلتتىق ستاندارتىندا باسسەين قىزمەتتەرىن كورسەتۋ كەزىندە كەلۋشىلەردىڭ ءومىرى مەن دەنساۋلىعىنىڭ قاۋىپسىزدىگى جانە ولاردىڭ مۇلكىنىڭ ساقتالۋى قامتاماسىز ەتىلۋى ءتيىس.

ولارداعى تۇتىنۋشىلاردىڭ ءومىرى مەن دەنساۋلىعىنا قاۋىپ دەڭگەيى ەڭ از بولۋى كەرەك. قىزمەتتەر قاۋىپسىزدىك شارالارىنا ساي بولۋعا ءتيىس. باسسەينگە بارۋ جانە ونداعى مىنەز-قۇلىق ەرەجەلەرىنە سايكەس اكىمشىلىك مىنەز-قۇلىق ەرەجەلەرىن بۇزعان ادامداردى باسسەينگە بارۋدان ايىرۋعا قۇقىلى.

سوتتا انىقتالعانداي، تالاپ قويۋشى باسسەين ايماعىنا ارنايى رەزەڭكە اياق كيىمسىز كىرگىزىلگەن، سالدارىنان تايىپ قۇلاپ، دەنە جاراقاتىن العان.

«بۇل جاۋاپكەر كورسەتكەن قىزمەت ساپاسىنىڭ تومەن ەكەنىن كورسەتەدى. سونىڭ سالدارىنان ونىڭ دەنساۋلىعىنا زيان كەلگەن. الايدا، سوت زالال سوماسىن ازايتۋ قاجەت دەپ سانادى. ويتكەنى، بۇل تالاپ قويۋشىنىڭ باسسەين اۋماعىندا تايعانامايتىن اياق كيىم كيۋگە قاتىستى ورەسكەل نەمقۇرايلىلىعى دەپ تانىلعان، ونداي اياق كيىم كيۋ كەرەك ەكەنى ەرەجەدە كوزدەلمەگەن. بۇل وقيعا ەرەجەگە سايكەس كەلۋشىلەردە ارنايى رەزەڭكە اياق كيىم بولۋىن تالاپ ەتەتىن باسسەين ايماعىندا بولعان. وسىلايشا، تالاپ قويۋشى باسسەيندى پايدالانۋ ەرەجەسىن بۇزعان. دەمەك، ەرەجەلەردى ەلەمەي، زالال كەلتىرۋگە ىقپال ەتىپ، تالاپ قويۋشىنىڭ ءوزىنىڭ ورەسكەل نەمقۇرايلىلىعى ورىن العان»، - دەلىنگەن جوعارى سوت تاراتقان رەسمي اقپاراتتا.

بەلگىلەنگەننەن پاراساتتىلىق پەن ادىلدىك ولشەمشارتتارىن باسشىلىققا الا وتىرىپ، سوت ماتەريالدىق زالالدى وتەۋ مولشەرىن تالاپ قويۋشىنىڭ كىناسىنىڭ دارەجەسىنە تەڭ قىلىپ ازايتقان.

تالاپ قويۋ ءىشىنارا قاناعاتتاندىرىلدى: ج ش س- نەن تالاپ قويۋشىنىڭ پايداسىنا 1,1 ميلليون تەڭگە جوعالعان تابىس جانە 160 مىڭ تەڭگەدەن استام ءدارى-دارمەك جانە اۋە بيلەتىن ساتىپ الۋعا كەتكەن شىعىن ءوندىرىلدى.

جاۋاپكەردىڭ قىزمەت كورسەتۋ كەزىندە تالاپ قويۋشىنىڭ دەنساۋلىعىنا زيان كەلتىرۋدەگى كىناسى ءىشىنارا دەپ تانىلعاندىقتان، 50 مىڭ تەڭگە مورالدىق زياندى وتەۋ تۋرالى تالاپ ءىشىنارا قاناعاتتاندىرىلدى.

شەشىم زاڭدى كۇشىنە ەنگەن جوق.

سوڭعى جاڭالىقتار